7 شىلدە كۇنى الماتى مەن اقتوبەدە اۋا ساپاسى ناشارلايدى، دەپ حابارلايدى aqshamnews.kz "قازگيدرومەت" رمك-عا سىلتەمە جاساپ.
سينوپتيكتەردىڭ مالىمەتىنشە، اتالعان قالالاردا اتموسفەرالىق اۋانىڭ لاستانۋ دەڭگەيى ارتۋى مۇمكىن. مۇنداي قۇبىلىس قولايسىز مەتەوجاعدايلارمەن (نمۋ) تىكەلەي بايلانىستى.
قولايسىز مەتەوجاعدايلار – اتموسفەرالىق اۋانىڭ تومەنگى قاباتىندا زياندى زاتتاردىڭ جينالۋىنا سەبەپ بولاتىن قىسقا مەرزىمدى مەتەورولوگيالىق فاكتورلاردىڭ جيىنتىعى. وعان تىنىشتىق، ءالسىز جەل، تۇمان، ينۆەرسيا سياقتى تابيعي قۇبىلىستار جاتادى، – دەپ حابارلادى سينوپتيكتەر.
اۋا ساپاسىنىڭ تومەندەۋى اسىرەسە سوزىلمالى وكپە نەمەسە جۇرەك اۋرۋلارى بار ادامدارعا كەرى اسەر ەتۋى مۇمكىن. تۇرعىندارعا دالادا ۇزاق ۋاقىت بولماۋعا، فيزيكالىق بەلسەندىلىكتى شەكتەۋگە جانە بەتپەردە قولدانۋعا كەڭەس بەرىلەدى.
ايتا كەتەيىك، اۋا لاستانۋىنىڭ دەڭگەيىن انىقتايتىن باستى فاكتورلاردىڭ ءبىرى – سينوپتيكالىق جاعدايدىڭ بولجامى، ياعني جەلدىڭ باعىتى مەن جىلدامدىعى، جاۋىن-شاشىن، اۋا تەمپەراتۋراسى مەن ىلعالدىلىق دەڭگەيى.
تۇرعىندارعا اۋا ساپاسى تۋرالى جاڭارتىلعان مالىمەتتەردى «قازگيدرومەت» سايتى مەن رەسمي ارنالارى ارقىلى قاداعالاپ وتىرۋ ۇسىنىلادى.