الماتى پوليسياسىندا مەكتەپتەردىڭ قاۋىپسىزدىك جۇيەسىن تەكسەرۋ قالاي جۇرگىزىلگەنى ايتىلدى.
تەكسەرۋ قالاداعى 214 مەملەكەتتىك جانە 100 جەكەمەنشىك مەكتەپتى قامتىدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«بۇعان دەيىن حابارلانعانداي، ءبىلىم بەرۋ ۇيىمدارىندا ءبىلىم الۋشىلاردىڭ قاۋىپسىزدىگىن، بەينەباقىلاۋ جۇيەلەرىنىڭ جابدىقتالۋىن، قىزمەتكەرلەر مەن كەلۋشىلەردى ەسكەرتۋ قۇرالدارىن، دابىل تۇيمەلەرىن، قاۋىپسىزدىك دابىلى مەن فيزيكالىق قاۋىپسىزدىكتى تەكسەرۋ بويىنشا ءبىلىم باسقارماسىمەن بىرلەسە وتىرىپ، جالپى ءبىلىم بەرەتىن مەكەمەلەردى زەرتتەۋ بويىنشا كوميسسيا قۇرىلدى. بۇگىنگى تاڭدا قالا مەكتەپتەرىندە 6739 بەينەباقىلاۋ كامەراسى جۇمىس ىستەيدى، ولاردىڭ باسىم بولىگى جەدەل باسقارۋ ورتالىعىمەن بىرىكتىرىلگەن. سونىمەن قاتار ءبىلىم بەرۋ ۇيىمدارىندا جۇرگىزىلگەن تەكسەرۋ قالانىڭ بارلىق مەكتەپتەرىندە دۇربەلەڭ تۇيمەلەرى ورناتىلعانىن جانە جۇمىس ىستەپ تۇرعانىن كورسەتتى»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ەرجان ۇزابايەۆ.
سونىمەن قاتار ە. ۇزابايەۆتىڭ ايتۋىنشا، ءبىلىم بەرۋ مەكەمەلەرى دابىل جۇيەسىمەن جابدىقتالعان، ولاردا داۋىس زورايتقىش جۇيەسى بار.