بالالار قاۋىپسىزدىگى - نازاردا!
الماتى پوليسياسىنىڭ باستىعى تۇرعىندارمەن ەسەپ بەرۋ كەزدەسۋىندە بالالاردىڭ قاۋىپسىزدىگى تۋرالى ايتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
الماتى مەكتەپتەرىندە بەس مىڭعا جۋىق باينەباقىلاۋ كامەراسى ورناتىلعان.
«بالالارىمىزدىڭ قاۋىپسىزدىگى ماسەلەسى ءبىرىنشى ورىنعا قويىلىپ، پوليسيانىڭ تۇراقتى باقىلاۋىندا. بارلىق ءبىلىم بەرۋ نىساندارىندا قاۋىپسىزدىك ماسەلەسى بويىنشا تەكسەرىس جۇرگىزىلدى. بۇگىنگى تاڭدا قالا مەكتەپتەرىندە 4960 بەينەباقىلاۋ كامەرالارى ورناتىلعان. سونىمەن قاتار قالانىڭ جالپى ءبىلىم بەرەتىن مەكتەپتەرىندە “دۇربەلەڭ باتىرمالارى” ورناتىلعان، ولار بىردەن پد جبو-عا قوسىلعان. سونداي-اق ءبىلىم بەرۋ نىساندارىنا كىرۋ جۇيەسى رەتكە كەلتىرىلدى. ارنايى تۋرنيكەتتەر بار»، – دەيدى ارىستانعاني زاپپاروۆ.