الماتى قالاسىنىڭ ءبىلىم باسقارماسىنىڭ شەشىمىنە سايكەس، 2025–2026 وقۋ جىلىنىڭ ءۇشىنشى توقسانىنان باستاپ قالا مەكتەپتەرى BilimClass ەلەكتروندىق جۋرنالىنا كوشەدى، - دەپ حابارلايدى Aqshamnews.kz.
BilimClass — تەگىن ءموبيلدى قوسىمشاسى بار، سەرۆەرلەرى قازاقستان اۋماعىندا ورنالاسقان جانە پايدالانۋشىلار دەرەكتەرىنىڭ قاۋىپسىزدىگى مەن قۇپيالىعىن قامتاماسىز ەتەتىن تولىقتاي قازاقستاندىق پلاتفورما.
بۇل شەشىمگە دەيىن پلاتفورما جان-جاقتى تالداۋدان ءوتىپ، الماتى قالاسىنداعى 15 مەكتەپتە پيلوتتىق رەجيمدە اپروباسيالاندى. سونىڭ ناتيجەسىندە BilimClass جۇيەسى بارلىق قاجەتتى تالاپتارعا ساي ەكەنىن كورسەتتى. پلاتفورماعا كوشۋ الدىندا مۇعالىمدەر BilimClass-پەن جۇمىس ىستەۋ بويىنشا تەگىن وقۋدان ءوتتى. سونىمەن قاتار قولداۋ قىزمەتى مەكتەپتەردى سۇيەمەلدەپ، تۋىنداعان سۇراقتارعا جەدەل تۇردە جاۋاپ بەرەدى.
BilimClass ەلەكتروندىق جۋرنالى مەكتەپتى باسقارۋ جۇيەسى، وقۋ كونتەنتى، ادىستەمەلىك تالداۋ جانە اناليتيكا قۇرالدارىن دا ۇسىنادى. قازىرگى تاڭدا BilimClass جۇيەسىن قازاقستاننىڭ 11 وڭىرىندەگى 2،5 ميلليون وقۋشى مەن 350 مىڭعا جۋىق ءمۇعالىم پايدالانىپ وتىر. اتاپ ايتقاندا، پلاتفورما الماتى، اقمولا، باتىس قازاقستان، قوستاناي، اقتوبە، ۇلىتاۋ، اباي، قىزىلوردا، جەتىسۋ، تۇركىستان جانە سولتۇستىك قازاقستان وبلىستارىندا قولدانىستا. پلاتفورمانى ازىرلەۋشى — قازاقستانداعى جەتەكشى Bilim Group IT حولدينگى. ونىڭ قۇرامىنا BilimLand، OnlineMektep، BilimKids، iTest، BilimUstaz، Kitap.kz جانە SmartNation سياقتى ونىمدەر كىرەدى.
BilimClass — سەرۆەرلەرى قازاقستان اۋماعىندا ورنالاسقان تولىقتاي وتاندىق ءونىم. جۇيە پايدالانۋشىلار دەرەكتەرىنىڭ قاۋىپسىزدىگى مەن قۇپيالىعىن قامتاماسىز ەتىپ، زاڭنامالىق تالاپتاردى قاتاڭ ساقتايدى. اتا-انالار مەن وقۋشىلار BilimClass ءموبيلدى قوسىمشاسىن تەگىن پايدالانادى. قوسىمشا ساباق كەستەسى، ساباققا قاتىسۋ، وقۋ ۇلگەرىمى مەن ءۇي تاپسىرمالارى تۋرالى تولىق اقپارات ۇسىنادى. پەداگوگتەر ءۇشىن پلاتفورمادا كۇنتىزبەلىك-تاقىرىپتىق جوسپارلاۋ، قاشىقتان ساباق وتكىزۋ مۇمكىندىگى، ءوز ساباقتارىن جۇكتەۋ، ينتەراكتيۆتى تاپسىرمالار، بجب/تجب كاتالوگى، چات جانە وقۋشىلارمەن كەرى بايلانىس قۇرالدارى قولجەتىمدى.
پلاتفورماعا كوشۋ وقۋ پروسەسىنە اسەر ەتپەۋى ءۇشىن ارنايى قىسقى دەمالىس كەزەڭىنە جوسپارلاندى. وسى ۋاقىتتا مۇعالىمدەر جۇيەمەن جۇمىس ىستەۋ بويىنشا وقۋدان ءوتتى.