الماتى ماڭىندا بۇگىن ەكى رەت جەر سىلكىندى

ەپيورتالىعى الماتىدان شىعىسقا قاراي 43 كم قاشىقتىقتا، قازاقستان اۋماعىندا ورنالاسقان.

بۇگىن تاڭەرتەڭ الماتىدان بىرنەشە شاقىرىم قاشىقتىقتا 2 رەت جەر سىلكىندى، دەپ حابارلايدى اlmaty-akshamy.kz «سەيسمولوگيالىق تاجىريبە-ادىستەمەلىك ەكسپەديسياسى» جشس-نە سىلتەمە جاساپ.

كەزەكشى وپەراتوردىڭ حابارلاۋىنشا، جەر سىلكىنىسى بۇگىن، 16 ءساۋىر كۇنى جەرگىلىكتى ۋاقىتپەن ساعات 8:55-تە تىركەلگەن.

«ەپيورتالىعى الماتىدان شىعىسقا قاراي 43 كم قاشىقتىقتا، قازاقستان اۋماعىندا ورنالاسقان. ەنەرگەتيكالىق ساناتى – 9.2. MPV ماگنيتۋداسى – 3.8. ەپيورتالىق كوورديناتتارى – 43.28° س.ە. جانە 77.43° ش.ب. تەرەڭدىگى - 5 كم. مSك-64 باعانى بويىنشا سەزىلۋ بولمادى»، - دەلىنگەن حابارلامادا.

سونداي-اق، بۇگىن جەرگىلىكتى ۋاقىتپەن ساعات 7:40-تا دا جەر سىلكىنىسى تىركەلگەن. ونىڭ ەپيورتالىعى الماتىدان شىعىسقا قاراي 325 كم قاشىقتىقتا، قازاقستان مەن جۇڭگو شەكاراسىندا بولدى. ەنەرگەتيكالىق ساناتى – 9.0. MPV ماگنيتۋداسى – 4.0. ەپيورتالىق كوورديناتتارى – 43.44° س.ە. جانە 80.90° ش.ب. تەرەڭدىگى - 15 كم. مSك-64 باعانى بويىنشا سەزىلۋ بولماعان.