الماتى كوشەلەرىنەن ءۇش مىڭ تەكشە مەتردەن استام قار شىعارىلدى، دەپ حابارلايدى Almaty-akshamy.kz كوممۋنالدىق ينفراقۇرىلىمدى دامىتۋ باسقارماسىنا سىلتەمە جاساپ.
تۇنگى كەزەڭدە 12 جەلتوقساننان 13 جەلتوقسانعا دەيىن قاردىڭ سالدارىن جويۋ جۇمىستارى جالعاستى.
كوكتايعاق قۇبىلىستارىنىڭ الدىن الۋ ماقساتىندا جولداردىڭ ءقاۋىپتى ۋچاسكەلەرىندە، كولىك ايرىقتارىنىڭ سەزدەرىندە تۇندە 32 توننا كوكتايعاققا قارسى ماتەريالدار سەبىلدى. تروتۋارلاردى، جالپى پايدالانۋ ورىندارىن، قوعامدىق كولىك ايالدامالارىن، جەر ءۇستى وتكەلدەرىن تازالاۋ جۇمىستارى جالعاستىرىلدى.
تۇنگى كەزەڭدە جول پوليسياسىنىڭ پاترۋلدىك ماشينالارىنىڭ ەرىپ جۇرۋىمەن قاردى سىپىرىپ، جينايتىن ماشينالاردىڭ 17 كولونناسى ۇيىمداستىرىلدى.
ماگيسترالدىق كوشەلەردەن قار شىعارۋ جۇمىستارى جۇرگىزىلۋدە. تۇندە 1947 م3، قار جاۋعاننان بەرى بارلىعى 3027 م3 قار شىعارىلدى.
44 جەدەل پاترۋلدىك بريگادا، 421 بىرلىك ارنايى تەحنيكا، ونىڭ ىشىندە 165 قۇم تاراتقىش، 481 جول جۇمىسشىسى جۇمىلدىرىلدى.
"قازگيدرومەت" رمك بولجامى بويىنشا 16 جەلتوقسانعا دەيىن جاۋىن-شاشىن بولمايدى. اۋا تەمپەراتۋراسى 13 جەلتوقساندا تۇستەن كەيىن مينۋس -18-20 گرادۋس اياز.