ءماجبۇرلى ەڭبەكتى جەرگىلىكتى اتقارۋشى ورگاندار قوعامدىق ورىنداردا ۇيىمداستىرادى.
الماتى قالاسى اۋەزوۆ اۋداندىق پروباسيا قىزمەتىنىڭ باقىلاۋىنداعى 10 سوتتالعان جانە ناۋرىزباي اۋدانىنان 8 سوتتالعان وزدەرىنە بەكىتىلگەن جۇمىس ۋچاسكەلەرىن تازالاۋعا كىرىستى. بۇل تۋرالى الماتى قالاسى قاجد باسپا ءسوز قىزمەتى مالىمدەدى، دەپ حابارلايدى Almaty-akshamy.kz.
بيىل ەلىمىزدىڭ بارلىق وڭىرىنە دە شامادان تىس قار جاۋدى. وڭتۇستىك استانا سانالاتىن الماتى قالاسىندا دا قالىڭ قار جاۋىپ، سارىشۇناق اياز باستالدى. وڭتۇستىكتىڭ جانعا جايلى اۋا رايىنا ۇيرەنگەن قالا تۇرعىندارى ءۇشىن قاتال قىس ايتارلىقتاي قيىندىقتار تۋدىرۋدا. سونىمەن قاتار قالىڭ قار جول قوزعالىسىنا دا كەدەرگى كەلتىرۋدە.
«الماتى قالاسىنىڭ كوشەلەرىن قاردان تازالاۋعا كوممۋنالدىق قىزمەتكەرلەرمەن بىرگە سوتتالعاندار دا ءبىر كىسىدەي جۇمىلۋدا. الماتى قالاسى اۋەزوۆ اۋداندىق پروباسيا قىزمەتىنىڭ باقىلاۋىنداعى 10 سوتتالعان جانە ناۋرىزباي اۋدانىنان 8 سوتتالعان وزدەرىنە بەكىتىلگەن جۇمىس ۋچاسكەلەرىن تازالاۋعا كىرىستى»، - دەپ حابارلادى الماتى قالاسى قاجد باسپا ءسوز قىزمەتى.
قالا اكىمدىگىنىڭ كوممۋنالدىق قىزمەت ماماندارىمەن بىرگە قار تازالاۋعا شىققاندار - ق ر قىلمىستىق كودەكسىنىڭ 44-بابى بويىنشا سوتتالعاندار. باس بوستاندىعىن شەكتەۋ سوتتالعان ادامنىڭ تۇرعىلىقتى جەرى بويىنشا قوعامنان وقشاۋلانباي وتەلەدى. ءماجبۇرلى ەڭبەكتى جەرگىلىكتى اتقارۋشى ورگاندار قوعامدىق ورىنداردا ۇيىمداستىرادى. تۇراقتى جۇمىس ورنى بار نەمەسە وقىپ جۇرگەن سوتتالعاندار، كامەلەتكە تولماعاندار، جۇكتi ايەلدەر، ءۇش جاسقا دەيiنگi جاس بالالارى بار سوتتالعاندار، سونداي-اق زەينەت جاسىنداعى سوتتالعاندار ءماجبۇرلى ەڭبەككە تارتىلمايدى.
قالا كوشەلەرىن قاردان تازالاۋ بارىسىندا پروباسيا قىزمەتكەرلەرى سوتتالعاندارعا باس بوستاندىعىن شەكتەۋ جازاسىن زاڭعا سايكەس وتەۋدىڭ جەڭىلدىكتەرى مەن جازا وتەۋ ءتارتىبىن بۇزۋدىڭ زارداپتارىن دا كەڭىنەن تۇسىندىرۋدە.