رەسپۋبليكا كۇنىنە وراي الماتىنىڭ كوميۋنيتي ورتالىقتارىنىڭ رەزيدەنتتەرى ءبىرقاتار پاتريوتتىق ءىس-شارالار وتكىزدى.
ءار اۋداننىڭ ءىس-شارالارى ءارتۇرلى بولعانىمەن، ولاردىڭ بارلىعى ورتاق ماقساتتى كوزدەدى — تۋعان جەرگە دەگەن سۇيىسپەنشىلىكتى جانە جاستاردىڭ بىرلىگىن كورسەتۋ.
وتانعا دەگەن قۇرمەتتى جاستار ءتۇرلى تاسىلدەرمەن جەتكىزدى: ءبىر جەردە مەملەكەتتىك گيمن ورىندالسا، باسقا اۋداندا پاتريوتتار شەرۋى ءوتىپ، فلەشموبتار مەن شىعارماشىلىق قويىلىمدار ۇيىمداستىرىلدى. بۇل ءىس-شارالار قالا جاستارىنىڭ بىرلىگى مەن پاتريوتتىق سەزىمدەرىن ايقىن كورسەتكەندەي بولدى.
«بۇگىنگى كۇن ءبىز ءۇشىن تەك مەملەكەتتىك مەرەكە عانا ەمەس، سونىمەن قاتار وتانعا دەگەن سۇيىسپەنشىلىگىمىزدى كورسەتەتىن مۇمكىندىك. ءبىز، جاستار، ەلىمىزدى كۇشتى جانە تاۋەلسىز كۇيدە ساقتاۋىمىز كەرەك. مۇنداي ءىس-شارالار بولاشاق ۇرپاق الدىنداعى جاۋاپكەرشىلىگىمىزدى تەرەڭىرەك تۇسىنۋگە جانە جاڭا جەتىستىكتەرگە شابىتتاندىرادى»، - دەدى جەتىسۋ اۋدانى كوميۋنيتي ورتالىعىنىڭ جەتەكشىسى ەسەن ءابدىحالىق.
قالا تۇرعىندارى جاستاردى قولداپ، مەرەكەلىك ءىس-شارالارعا قۋانا قوسىلدى.
وسىلايشا، الماتى جاستارى تۋعان جەرگە دەگەن سۇيىسپەنشىلىگى مەن بىرلىگىن كورسەتتى. ولار بولاشاقتا دا وسىنداي پاتريوتتىق اكسيالارعا بەلسەنە قاتىسىپ، ەلىمىزدىڭ دامۋى مەن گۇلدەنۋىنە ءوز ۇلەستەرىن قوسۋعا نيەتتى.