بيىلعى جىلى «الماتى جاستارى» تۇرعىن ءۇي باعدارلاماسىن جۇزەگە اسىرۋعا جەرگىلىكتى بيۋدجەتتەن 17 ملرد تەڭگە ءبولىندى، بۇل وتكەن جىلمەن سالىستىرعاندا 2 ملرد تەڭگەگە ارتىق. سونداي-اق، «وتباسى بانكىنىڭ» ءوز قاراجاتىنان تاعى 3 ملرد تەڭگە ءبولىندى. تۇرعىن ءۇي باعدارلاماسىمەن كەمىندە 1100 ادامدى قامتۋ جوسپارلانۋدا. وتىنىمدەردى قابىلداۋ 15 مامىردان باستالادى. وتىنىمدەردى قابىلداۋ تۋرالى وكق-نىڭ بريفينگىندە كوممۋنالدىق ينفراقۇرىلىمدى دامىتۋ باسقارماسىنىڭ باسشىسى دانيار قىرىقبايەۆ ەگجەي-تەگجەيلى بايانداپ بەردى، دەپ حابارلايدى almaty-akshamy.kz
«الماتى جاستارى» باعدارلاماسىنىڭ ءبىر ەرەكشەلىگى قاتىسۋشىلارعا باستاپقى جانە ەكىنشى نارىقتان تۇرعىن ءۇيدى ءوز بەتىنشە تاڭداۋى ءۇشىن تومەن پايىزدىق مولشەرلەمەمەن تۇرعىن ءۇي نەسيەلەرى بەرىلۋدە. قالا جاستارى تاراپىنان ۇلكەن سۇرانىس پەن جوعارى قىزىعۋشىلىقتى، سونداي-اق وتكەن جىلدارداعى قاتىسۋشىلاردىڭ سانىن ەسكەرە وتىرىپ، باعدارلاما بيىل دا ءوز جالعاسىن تاپپاق. ايتا كەتسەك، 2022 باعدارلاماسى بويىنشا 1097 وتباسى باسپاناعا يە بولدى»، - دەدى د.قىرىقبايەۆ.
بايانداماشى باعدارلاما بويىنشا نەسيەلەندىرۋ شارتتارىن ناقتى اتاپ بەردى:
- نەسيەنىڭ ماكسيمالدى سوماسى 18 ميلليون تەڭگەگە دەيىن؛
- سىياقى مولشەرلەمەسى – 5%؛
- باستاپقى جارناسى – 10%؛
- باستاپقى جانە قايتالاما تۇرعىن ءۇي الۋ مۇمكىندىگىن قامتۋ – كەمىندە 1100 ادام بولادى.
ايتا كەتۋ كەرەك، «الماتى جاستارى» باعدارلاماسىنا كەلەسى باعىتتار بويىنشا بيۋدجەتتىك ۇيىمداردىڭ سۇرانىسقا يە ماماندىقتاعى سالا قىزمەتكەرلەرى قاتىسا الادى:
1. ءبىلىم سالاسى،
2. دەنساۋلىق ساقتاۋ،
3. ۋنيۆەرسيتەت جانە عىلىمي-زەرتتەۋ ينستيتۋتتارى،
4. مادەنيەت
5. سپورت،
6. جۋرناليستەر،
7. الەۋمەتتىك سالا قىزمەتكەرلەرى،
8. قۇقىق قورعاۋ ورگاندارىنىڭ قىزمەتكەرلەرى،
9. قالالىق كوممۋنالدىق قىزمەتتەردىڭ قىزمەتكەرلەرى.
ۇمىتكەرلەرگە قويىلاتىن نەگىزگى تالاپتار:
1. قازاقستان رەسپۋبليكاسىنىڭ ازاماتتىعى،
2. قاتىسۋشىنىڭ جاسى 35 جاسقا دەيىن (قوسا العاندا)،
3. باعدارلاماعا ءوتىنىش بەرۋشىنىڭ جانە ونىڭ وتباسى مۇشەلەرىنىڭ سوڭعى 5 جىل ىشىندە قازاقستان رەسپۋبليكاسىنىڭ اۋماعىندا مەنشىك قۇقىعىندا تۇرعىن ءۇيىنىڭ بولماۋى؛
4. مىندەتتى زەينەتاقى جارنالارى بولعان كەزدە، الماتى قالاسىندا، جەكەلەگەن وبلىستاردا كەمىندە 6 اي لاۋازىمدىق جۇمىس ءوتىلى بولۋى شارت.
قاتىسۋشىلار ءوتىنىم مەن قۇجاتتاردى ارنايى www.almaty-zhastary.kz سايتىندا ەسق ارقىلى تاپسىرۋى قاجەت.
«سونداي-اق ءبىز قاتىسۋشىلاردان ۆەب-سايتتاعى باعدارلامانىڭ شارتتارىمەن مۇقيات تانىسۋدى جانە ۆەب-سايتتا كورسەتىلگەن تىزىمگە سايكەس بارلىق قاجەتتى قۇجاتتاردى تىركەۋدى سۇرايمىز (ۆەب-سايتتاعى بەينە نۇسقاۋلىق). بارلىق سۇراقتار بويىنشا الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسىنا +7 (727) 225 14 57 تەلەفونى ارقىلى حابارلاسۋلارىڭىز قاجەت»، - دەدى د.قىرىقبايەۆ.
تولىق اقپاراتتى www.almaty-zhastary.kz سايتىنان الۋعا بولادى.
سونداي-اق ول، بيىل الماتى قالاسى اكىمىنىڭ تاپسىرماسىمەن باعدارلاما اياسىندا جاس مۇعالىمدەر مەن دارىگەرلەرگە تاعى 100 قارىزعا ليميت ۇلعايتىلعانىن اتاپ ءوتتى (مۇعالىمدەرگە - 50، دارىگەرلەرگە – 50).
كوممۋنالدىق ينفراقۇرىلىمدى دامىتۋ باسقارماسى وتىنىشتەردى قابىلداۋ مەرزىمى وتكەن كۇننەن باستاپ 20 جۇمىس كۇنى ىشىندە ۇپايلاردى ەسەپتەپ، نەگىزگى جانە رەزەرۆتىك تىزىمدەردى، سونداي-اق قابىلدانباعانداردىڭ ءتىزىمىن ىرىكتەپ قالىپتاستىرادى. جيناعان ۇپاي سانىنا قاراي تولەم قابىلەتتىلىگىن باعالاۋ ءۇشىن «وتباسى بانكىنە» جولداما بەرەدى.
نەگىزگى جانە رەزەرۆتىك تىزىمگە ەنگىزىلگەن قاتىسۋشىلاردىڭ تىزىمدەرى، سونداي-اق قابىلدانباعاندار ءتىزىمى www.almaty-zhastary.kz سايتىندا ورنالاستىرىلعان.
وتىنىشتەر مەن قۇجاتتاردى قابىلداۋدىڭ بۇكىل كەزەڭى ىشىندە باعدارلاماعا قاتىسۋشىلاردىڭ ۇسىنىلعان وتىنىمدەرىن وڭدەۋ، وزگەرتۋ، تولىقتىرۋ مۇمكىندىگى بار. دەپارتامەنت قاتىسۋشىلاردى ىرىكتەۋ راسىمىنە قوعامدىق بىرلەستىكتەر مەن ب ا ق وكىلدەرىن دە تارتىپ، قاتىستىرىپ وتىرادى.
باعدارلاماعا قاتىسۋ ءۇشىن قاجەتتى قۇجاتتار:
ءوتىنىم بەرگەن كەزدە 10 كۇنتىزبەلىك كۇننەن ەرتە ەمەس بەرىلگەن قۇجاتتار قاراۋعا قابىلدانادى:
1) نەكە قيۋ، بۇزۋ تۋرالى كۋالىك؛
2) بالالاردىڭ تۋۋ تۋرالى كۋالىگى؛
3) ءوتىنىش بەرۋشى مەن بارلىق وتباسى مۇشەلەرىنە ەگوۆ-تان الىنعان قازاقستان بويىنشا جىلجىمايتىن مۇلىكتىڭ بولماۋى (بولۋى) تۋرالى انىقتاما؛
4) ەگوۆ-تان الىنعان سوڭعى 6 ايداعى زەينەتاقى اۋدارىمدارى تۋرالى ءۇزىندى كوشىرمە؛
5) جۇمىس ورنىنان ۇيىمنىڭ/مەكەمەنىڭ فيرمالىق بلانكىسىندە انىقتامانىڭ بەرىلگەن كۇنى، شىعىس ءنومىرى، جۇمىسقا تۇرعان كۇنى مەن قىزمەتتىك لاۋازىمى كورسەتىلگەن انىقتاما.
6) ق ر ەڭبەك كودەكسىنىڭ 35-بابىنا سايكەس ەڭبەك ءوتىلىن راستايتىن قۇجاتتار (ەڭبەك كىتاپشاسىنىڭ سكانەرى)؛
7) باق-قا ەسەپكە قويۋ كۋالىگى (اتالعان تالاپ تەك جۋرناليستەر سالاسى بويىنشا قاتىسۋشىلارعا قاتىستى).