«الماتى جاستارى» باعدارلاماسىنا قوسىمشا وتىنىمدەر قابىلدانادى

قۇرمەتتى «الماتى جاستارى» قالالىق جەڭىلدىكپەن نەسيەلەندىرۋ باعدارلاماسىنىڭ قاتىسۋشىلارى!

الماتى قالاسى اكىمدىگى «الماتى جاستارى» قالالىق جەڭىلدەتىلگەن نەسيەلەندىرۋ باعدارلاماسىنا قاتىسۋ ءۇشىن وتىنىمدەردى قوسىمشا ىرىكتەۋ تۋرالى حابارلايدى (بۇدان ءارى - باعدارلاما).

بۇل جولى باعدارلاماعا اعىمداعى جىلدىڭ (2022 جىلعى 18 مامىر مەن 1 ماۋسىم ارالىعىندا) نەگىزگى كونكۋرستىق ىرىكتەۋ كەزەڭىندە ءوتىنىم بەرگەن، ءبىراق قۇجاتتاردىڭ دۇرىس تولتىرىلماۋىنا/راسىمدەلمەۋىنە/بەرىلمەۋىنە بايلانىستى وتپەگەن ءوتىنىش بەرۋشىلەر عانا قاتىسا الادى.

ەسكە سالساق، باعدارلاما بويىنشا بارلىعى 1000 نەسيە قاراستىرىلعان. نەگىزگى كونكۋرستىق ىرىكتەۋ كەزىندە وڭ ماقۇلدانعان ءوتىنىش بەرۋشىلەر اراسىنان «وتباسى بانك» كريتەرييلەرى بويىنشا تولەم قابىلەتتىلىگىنەن تەك 863 قاتىسۋشى عانا ءوتتى. قالعان 137 ورىنعا 5225 قاتىسۋشى ۇمىتكەر بولا الادى (ءتىزىم سايتتىڭ باستى بەتىندە «وتىنىمدەرى رەداكسيالاۋعا جىبەرىلگەن قاتىسۋشىلار ءتىزىمى» بولىمىندە ورنالاستىرىلعان).

ءوز وتىنىمدەرىڭىزگە وزگەرىستەردى 2022 جىلدىڭ 10-14 قازانى ارالىعىندا ەنگىزۋگە جانە almaty-zhastary.kz سايتىنداعى تىزىمگە سايكەس قۇجاتتاردى جاڭارتۋعا بولادى.

تەلەفون ارقىلى انىقتاما: +7 (727) 225 14 57 (كوپ ارنالى) (الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسى).