الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسى «الماتى جاستارى» باعدارلاماسى اياسىندا وتىنىمدەردى قابىلداۋ قورىتىندىسىن شىعاردى. قۇجاتتاردى قابىلداۋ 2025 جىلعى 1426 ناۋرىز ارالىعىندا www.almaty-zhastary2025.kz. رەسمي سايتى ارقىلى ءوتتى. بارلىعى 6626 ءوتىنىم بەرىلدى، دەپ حابارلايدى aqshamnews.kz
وتىنىمدەردىڭ ەڭ كوپ سانى ءبىلىم بەرۋ سالاسىنىڭ وكىلدەرىنەن ءتۇستى — 2191. بۇدان كەيىن دەنساۋلىق ساقتاۋ (1381)، جۇمىس ىستەيتىن جاستار (881)، جوو جانە عزي (635)، كوممۋنالدىق قىزمەتتەر (428)، مادەنيەت (360)، قۇقىق قورعاۋ ورگاندارى (343)، الەۋمەتتىك سالا (245)، سپورت (86) جانە جۋرناليستيكا (76) سالالارى.
2025 جىلى باعدارلاما اياسىندا تۇرعىن ءۇي ساتىپ الۋعا كەمىندە 2550 زاەم بەرۋ جوسپارلانۋدا. ونىڭ ىشىندە 1050 زاەم «جۇمىس ىستەيتىن جاستار» باعدارلاماسىنىڭ جالعا الۋشىلارىنا ارنالعان.
سونىمەن قاتار ءبىرقاتار باعىتتار بويىنشا كۆوتالار انىقتالدى:
* ءبىلىم — كەمىندە 350 زاەم؛ دەنساۋلىق ساقتاۋ كەمىندە 350 زاەم؛
* رەسپۋبليكالىق كاسىپورىندار مەن ۇيىمداردىڭ قىزمەتكەرلەرى جالپى كولەمنىڭ 5% - دان اسپايدى؛
* قۇقىق قورعاۋ ورگاندارى 5% - دان اسپايدى.
بەرىلگەن وتىنىمدەردى قاراۋ قورىتىندىسى بويىنشا 3412 قاتىسۋشىعا قاتىستى وڭ شەشىم شىعارىلدى. ماقۇلدانعان وتىنىمدەردى سالالار بويىنشا ءبولۋ:
* ءبىلىم — 994؛
* دەنساۋلىق ساقتاۋ — 630؛
* جۇمىس ىستەيتىن جاستار — 759؛
* رەسپۋبليكالىق مەملەكەتتىك ۇيىمداردىڭ قىزمەتكەرلەرى — 249؛
* قۇقىق قورعاۋ ورگاندارى — 167؛
* قالعان سالالار — 613.
ماقۇلدانعانداردىڭ قاتارىندا «جۇمىس ىستەيتىن جاستار» باعدارلاماسىنىڭ 759 جالعا الۋشىسى بار، ولارعا «وتباسى بانك» اق-عا جولدامالار بەرىلگەن.
ءۇش كەزەڭدە 1500 قاتىسۋشى تولەم قابىلەتتىلىگىن راستاۋ ءۇشىن بانككە جولداما الادى. ولار 15 جۇمىس كۇنى ىشىندە بانكتىڭ قىزمەت كورسەتۋ ورتالىعىنا حابارلاسۋى كەرەك. تولەم قابىلەتتىلىگى راستالعان جاعدايدا قاتىسۋشىلار 45 كۇنتىزبەلىك كۇن ىشىندە باستاپقى نەمەسە قايتالاما نارىقتاعى تۇرعىن ءۇيدى تاڭداي الادى.
قوسىمشا 1153 قاتىسۋشى نەگىزگى قۇرامدى باعالاۋ اياقتالعانعا دەيىن رەزەرۆتىك تىزىمگە ەنگىزىلدى. 3214 ءوتىنىش بەرۋشى تىزىمنەن شىعارىلدى، نەگىزگى سەبەپتەرى — جۇمىس ورنىنىڭ باعدارلاما تالاپتارىنا سايكەس كەلمەۋى، مەنشىگىندە تۇرعىن ءۇيدىڭ بولۋى، قاجەتتى انىقتامالاردىڭ بولماۋى، سوڭعى 6 ايدا زەينەتاقى اۋدارىمدارىنىڭ بولماۋى جانە باسقالار.
ەستەرىڭىزگە سالا كەتەيىك، الماتى قالاسىنىڭ اكىمى ەربولات دوسايەۆتىڭ تاپسىرماسى بويىنشا 2025 جىلى باعدارلامانىڭ شارتتارى جاڭارتىلدى:
* قارىزدىڭ ەڭ جوعارى سوماسى 18 ملن تەڭگەدەن 20 ملن تەڭگەگە دەيىن ۇلعايتىلدى؛
* باعدارلامانى قامتۋ «جۇمىس ىستەيتىن جاستاردىڭ» 1050 جالعا الۋشىسىن قوسا العاندا، كەمىندە 2550 ادامدى قۇرايدى.
بۇدان باسقا، جۇمىس ىستەيتىن جاستار قاتارىنداعى قاتىسۋشىلارعا الماتىدا نەمەسە الماتى وبلىسىندا جەكە تۇرعىن ءۇي ساتىپ الۋ مۇمكىندىگى بەرىلدى.
ناتيجەلەر تۋرالى تولىق اقپارات سايتتا ورنالاستىرىلعان: www.almaty-zhastary2025.kz.