«الماتى جاستارى» جەڭىلدىكپەن نەسيەلەندىرۋ قالالىق باعدارلاماسىنىڭ الدىن الا قورىتىندىلارى شىعارىلدى. وتىنىشتەر مەن قۇجاتتاردى قابىلداۋ www.almaty-zhastary.kz سايتىندا ا 18 مامىردان 1 ماۋسىمعا دەيىن جۇرگىزىلدى. ءوتىنىش بەرۋ كەزەڭىندە قاتىسۋشىلار قۇجاتتارىن وڭدەپ، تولىقتىرا الدى دەپ حابارلايدى almaty-akshamy.kz
«الماتى جاستارى» باعدارلاماسىنا بارلىعى 11 199 ءوتىنىش ءتۇستى:
- دەنساۋلىق ساقتاۋ - 3096؛
- ءبىلىم بەرۋ – 3943؛
- مادەنيەت – 453؛
- سپورت - 136؛
- جوو مەن عزي – 1208؛
- الەۋمەتتىك سالا - 1384؛
- ب ا ق - 187؛
- قۇقىق قورعاۋ ورگاندارى - 792.
2 ماۋسىمدا بارلىق وتىنىشتەر مەن قۇجاتتاردى قاراۋ باستالدى. 20 جۇمىس كۇنى ىشىندە وتىنىشتەردىڭ باعدارلاما تالاپتارىنا سايكەستىگى تەكسەرىلەدى. وسىدان كەيىن ءار سالا بويىنشا ەڭ كوپ ۇپاي سانى بويىنشا ءتىزىم جاسالادى:
- تىركەلگەن نەكەدە ءار جىل ءۇشىن – 1 بالل؛
- 1 (ءبىر) بالا بولعان جاعدايدا – 1 بالل؛
- وسى ساناتتاعى (سالاداعى) جۇمىس ءوتىلىنىڭ ءار جىلى ءۇشىن - 2 بالل؛
- ءحاوت تيەسىلىلىگى ءۇشىن - 5 بالل.
اشىقتىق پەن ادىلدىك ءۇشىن رەزەرۆكە ەنگىزىلگەن جانە قابىلدانباعان قاتىسۋشىلاردىڭ ءتىزىمى سايتتا جاريالانادى.
ىرىكتەلگەن ۇمىتكەرلەر جەكە كابينەتىنەن «وتباسى بانك» اق-عا جولداما بەرىلەدى. 15 جۇمىس كۇنى ىشىندە ولار تولەم قابىلەتتىلىگىن باعالاۋدان ءوتۋ ءۇشىن «وتباسى بانك» اق-نىڭ كەز كەلگەن قىزمەت كورسەتۋ ورتالىعىنا جۇگىنە الادى.
تولەم قابىلەتتىلىگىن راستاعان قاتىسۋشىلار 45 كۇنتىزبە ىشىندە باستاپقى نەمەسە ەكىنشى نارىقتاعى تۇرعىن ءۇيدى تاڭداۋى ءتيىس. تۇرعىن ۇيگە ارنالعان قۇجاتتار تۇرعىن ءۇي زاەمىن بەرۋ مۇمكىندىگىن قاراۋ ءۇشىن «وتباسى بانك» اق-عا ۇسىنىلادى.