الماتى جارمەڭكەلەرى: كوكتەممەن بىرگە ءونىم دە، كەلۋشى دە كوبەيدى

كوكتەمگى ءوسىم: الماتىدا دەمالىس كۇندەرى وتەتىن جارمەڭكەلەرگە اپتا سايىن كەلۋشىلەر سانى 45 000 ادامعا دەيىن ءوستى

دەمالىس كۇندەرى ازىق-تۇلىك تاۋارلارىن ساتاتىن جارمەڭكەلەرگە قاتىساتىن الماتىلىقتار مەن قالا قوناقتارىنىڭ سانى اپتاسىنا 45 000 ادامعا جەتتى.

كەلۋشىلەردىڭ 50%-عا ءوسۋى كوكتەمگى كەزەڭنىڭ باستالۋىمەن، جاڭا ونىمدەر اسسورتيمەنتىن كەڭەيتۋمەن جانە جارمەڭكە ينفراقۇرىلىمىن جاڭعىرتۋمەن بايلانىستى: جاڭا ساۋدا سورەلەرى ورناتىلدى، سانيتارلىق جاعدايلار جاقسارتىلدى، كەلۋشىلەردىڭ قوزعالىسى ءۇشىن قولايلى مارشرۋتتار قالىپتاستىرىلدى.

بۇگىنگى كۇنى دەمالىس كۇنگى جارمەڭكەلەردە الماتى مەن الماتى وبلىسىنىڭ 300-دەن استام اۋىل شارۋاشىلىعى وندىرۋشىلەرى مەن فەرمەرلەرى ءوز ونىمدەرىن ۇسىنادى. اپتا سايىن جارمەڭكەگە قاتىسۋشىلار جالپى كولەمى 1000-نان استام اتاۋلاردان تۇران 800 تونناعا جۋىق ازىق-تۇلىك تاۋارلارىن ەت، جۇمىرتقا، كوكونىستەر، جەمىستەر، اشىتىلعان ءسۇت ونىمدەرى، شۇجىقتار، بال جانە باسقا دا ونىمدەردى ساتادى.

جارمەڭكەلەردى «الماتى» اكك» اق ۇيىمداستىرادى. باعانى تۇراقتاندىرۋ تەتىكتەرىن ىسكە اسىرۋ شەڭبەرىندە الەۋمەتتىك ماڭىزى بار ازىق-تۇلىك تاۋارلارى جارمەڭكەلەردە نارىقتىق باعادان 15-20% تومەن باعامەن ساتىلادى.
جارمەڭكەلەر اپتا سايىن ساعات 09:00-دەن 18:00-گە دەيىن مىنا مەكەن-جايلاردا وتەدى:

·                    المالى اۋدانى - ماسانچي كوشەسى (ايتەكە بي كوشەسى مەن گوگول كوشەسى اراسى)؛

·                    اۋەزوۆ اۋدانى - وتەگەن باتىر كوشەسى (اباي داڭعىلىنان تومەن)؛

·                    بوستاندىق اۋدانى - قازاقفيلم ى/ا (ءال-فارابي داڭعىلىنان جوعارى)؛

·                    مەدەۋ اۋدانى - مەڭدىقۇلوۆ بۋلۆارى-بەكتۇروۆ كوشەسى.