ىلە اۋدانىندا ينۆاتاكسي جەتىسپەيدى. مۇگەدەكتىگى بار 6500- گە جۋىق تۇرعىنعا نەبارى ەكى كولىك قىزمەت كورسەتەدى.
مۇمكىندىگى شەكتەۋلى جاندار كوبىنە ءوز قاراجاتىمەن تاكسي جالداۋعا ءماجبۇر، دەپ حابارلايدى Almaty-akshamy.kz.
ءى توپتاعى مۇگەدەك بولات شوقايبايەۆ 30 جىلدان استام قانت ديابەتىمەن اۋىرادى. وسىدان ءتورت جىل بۇرىن ءبىر اياعىن تۇگەل كەستىرىپ تاستاعان. اي سايىن جوسپارلى تۇردە اۋدان ورتالىعىندا ەم قابىلداۋى ءتيىس. ال سول مەجەلەگەن جەرگە جەتۋ ءۇشىن تاكسي شاقىرىپ، ونى ساعاتتاپ كۇتۋگە ءماجبۇرمىن، دەيدى.
"گرەسكە بولسىن، پروتەز سەنتر بولسىن، ديابەت ورتالىق بولسىن، باسقاعا بارامىن سونىڭ بارىنە جاتۋ ءۇشىن مەن اناليزدەرىمدى وتكىزۋىم كەرەك. بۇكىل رەنتگەنگە ءتۇسىرۋىم كەرەك. ونىڭ بارلىعى ءبىر كۇندە بولمايدى. ەرتەڭىنە بارىپ ناتيجەمدى الۋىم كەرەك. وعان تاعى دا وسىنداي كولىك جالدايمىن. قانشا رەت وسى ءوزىمنىڭ قاراپ جۇرگەن دارىگەرىمە ايتىپ ەدىك، ءبىز وسى ماسەلەنى بىلمەيمىز دەپ سولاي جاۋاپ بەرىپ قايتارعان، - دەيدى تۇرعىن بولات شوقايبايەۆ.
ءۇش بالانىڭ اناسى ينديرا دادەيەۆانىڭ ءسۇت كەنجەسى كاۋسار تۋا ءبىتتى سال اۋرۋىنىڭ اۋىر تۇرىنە شالدىققان. اپتا سايىن وڭالتۋ ورتالىعىنا بارىپ ەم-دوم قابىلدايدى. پەرزەنتى ارباعا تاڭىلعان سوڭ، قوعامدىق كولىككە وتىرۋ قيىن، - دەيدى.
"قاپشاعايدىڭ تراسساسىنا شىعامىز، ارەڭ جەتەمىز كولياسكامەن، بالامەن. ول جاقتان كۇندەر بولعان 8-دە شىعىپ، تۇستەن كەيىن بارعان كەزدەرىمىز بولعان. بالامەن، كولياسكامەن 2-3 ساعات تۇرامىز. ءاربىر ادام الا بەرمەيدى. سول جاعىنان قينالامىز. تاكسيدىڭ كوبىسى الماي كەتەدى، كەيبىرەۋلەرى باگاجىم بوس ەمەس دەپ، كەيبىرەۋلەرى ءتىپتى توقتاماي كەتەدى"، - دەيدى كاۋساردىڭ اناسى ينديرا دادەيەۆا.
ءقازىر ىلە اۋدانىنىنىڭ وزىندە مۇگەدەكتىگى بار 6500-گە جۋىق تۇرعىن بار. ونىڭ ىشىندە، 650 ادام ءبىرىنشى توپتاعى مۇگەدەك بولسا، 2500ء-ى ەكىنشى توپتاعىلار. سونداي-اق، اۋداندا 1200-گە جۋىق وتباسى ەرەكشە بالا باعىپ وتىر. وسىنشا جانعا ەكى ينۆاتاكسيدىڭ جەتپەيتىنىن اكىمدىك وكىلدەرى دە مويىنداپ وتىر.
"قازىرگى تاڭدا وزدەرىڭىز بىلەتىندەي الەۋمەتتىك قىزمەتتەر پورتالى بار. سوعان ەنگىزۋ جوسپاردا. ونى ەندى وبلىستىق، مينيسترلىك دەڭگەيدە شەشىلەدى دەپ كۇتىپ وتىرمىز"، - ىلە اۋداندىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ مەڭگەرۋشىسى داۋلەت ورمانوۆ.
ال مۇگەدەكتىگى بار تۇرعىندار كۇتۋدەن ابدەن شارشادىق دەيدى. سەبەبى، مەملەكەتتەن الاتىن جاردەماقىسى ەم-دوم، دارى-دارمەگىنەن ارتىلمايدى. ەگەر ينۆاتاكسي كوبەيسە، قوزعالىسىمىز جەڭىلدەر ەدى دەپ ۇمىتتەنەدى. دەگەنمەن، تاكسي تاپشىلىعى قاشان شەشىلەرى ازىرگە بەلگىسىز.