بالالارعا ارنالعان جازعى دەمالىستى ۇيىمداستىرۋ اياسىندا الماتى حايۋاناتتار باعىندا جازعى زوومەكتەپ اشىلادى.
جاس تابيعات زەرتتەۋشىلەر ۇيىرمەسىنە 9 جاستان 16 جاسقا دەيىنگى بالالار قاتىسا الادى، دەپ حابارلايدى Almaty-akshamy.kz.
زوومەكتەپكە ءتۇسۋ ءۇشىن بالاعا «نەلىكتەن مەن زوومەكتەپتە وقىعىم كەلەدى» تاقىرىبىندا ەسسە جازىپ، ونى الماتى حايۋاناتتار باعىنىڭ almatyzoo.lector@mail.ru ەلەكتروندىق پوشتاسىنا 22 مامىرعا جىبەرۋ قاجەت. ىلەسپە حاتتا بالانىڭ تەگى، اتى جانە جاسى، سونداي-اق اتا-اناسىنىڭ ءاتى-جونى جانە بايلانىس تەلەفونى كورسەتىلۋى كەرەك. كىرىسپە سۇحباتتان وتكەننەن كەيىن بالا ماۋسىم ايىندا باستالاتىن جانە اپتاسىنا ەكى رەت ەكى ساعاتتان: دۇيسەنبى/جۇما نەمەسە سەيسەنبى/بەيسەنبىدەن باستالاتىن ساباقتارعا جىبەرىلەدى.
زوومەكتەپتەگى ساباقتاردىڭ ەرەكشەلىگى جانۋارلار دۇنيەسىن تەرەڭىرەك زەرتتەۋ جانە الماتى حايۋاناتتار باعىنداعى جانۋارلارمەن جۇمىس ىستەۋىندە. ۇيىرمەدە جەتكىنشەكتەر قاتاڭ ساقتاۋعا ءتيىس ءوز ەرەجەسى بار.
نەگىزگى ساباقتاردان باسقا، نەگىزگى ساباقتارعا تاۋەلدى ەمەس قوسىمشا ساباقتار – فاكۋلتاتيۆتەر بار. بيىلعى «فانتاستيكالىق ماقۇلىقتار جانە ولاردىڭ مەكەندەيتىن جەرلەرى» اتتى فاكۋلتاتيۆ تاقىرىپتىق مەرەكە اياسىندا وتكىزىلەدى.