الماتى حايۋاناتتار باعىن باسقا قالاعا كوشىرۋ جوسپاردا جوق.
ول جۇمىسىن بۇرىنعى جەردە جالعاستىرىپ كەلەدى، دەپ حابارلايدى ashamnews.kz.
الماتى قالاسىنىڭ مادەنيەت باسقارماسى الماتى حايۋاناتتار باعىنىڭ جۇمىسىنا قاتىستى بىلاي دەپ حابارلايدى:
"الماتى قالاسىنىڭ اۋماعىن دامىتۋ جوسپارى اياسىندا حايۋاناتتار باعىن حالىقارالىق ستاندارتتارعا سايكەس زووگەوگرافيالىق قاعيدا بويىنشا جاڭعىرتۋ مەن رەكونسترۋكسيالاۋ كوزدەلگەن.
بيىل جوبالاۋ-سمەتالىق قۇجاتتامانى ازىرلەۋ بويىنشا بايقاۋ جاريالاۋ جوسپارلانعان. رەكونسترۋكسيالاۋ جۇمىستارى كەزەڭ-كەزەڭىمەن 2028 جىلعا دەيىن جۇزەگە اسىرىلادى".
جوسپارلانعان رەكونسترۋكسيالاۋ اياسىندا جۇرگىزىلەتىن جۇمىستار جانۋارلاردى ۇستاۋ جاعدايىن ايتارلىقتاي جاقسارتىپ، حايۋاناتتار باعىنا كەلۋشىلەر ءۇشىن جايلىلىق دەڭگەيىن ارتتىرۋعا مۇمكىندىك بەرەدى.