مەكتەپ جاسىنا دەيىنگى بالالار دا، مەكتەپ، كوللەدج بەن ۋنيۆەرسيتەتتىڭ وقۋشىلارى دا كوروناۆيرۋسپەن اۋىرادى.
بالالار مەن جاسوسپىرىمدەر اۋرۋشاڭدىعىنىڭ جاس قۇرىلىمى ايتارلىقتاي سەرپىندى. بۇل تۋرالى وڭىرلىك كوممۋنيكاسيالار قىزمەتىنىڭ ونلاين باسپا ءسوز كونفەرەنسياسى بارىسىندا الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى ءسادۋاقاس بايعابىلوۆ مالىمدەدى، دەپ حابارلايدى Almaty-akshamy.kz
ونىڭ ايتۋىنشا، مەكتەپ جاسىنا دەيىنگى بالالار دا، مەكتەپتەر، كوللەدجدەر مەن ۋنيۆەرسيتەتتەردىڭ وقۋشىلارى دا كوروناۆيرۋسپەن اۋىرادى.
س. بايعابىلوۆ ءبىلىم بەرۋ ۇيىمدارىندا كۆي اۋرۋى بويىنشا دەرەكتەردى كەلتىردى. ونىڭ مالىمەتىنشە، 1 قىركۇيەكتەن باستاپ وفلاين وقيتىن 283 832 وقۋشىنىڭ 2389-ى (0،84%)، قاشىقتىقتان وقيتىن 30 914 بالانىڭ 1 495ء-ى (4،8%) اۋىرىپ قالدى.
قالادا بارلىعى 12 442 سىنىپ بار، ولاردىڭ 1918ء-ى كارانتينگە جىبەرىلدى، 1889 سىنىپ كارانتيننەن كەيىن ورالدى، 29 سىنىپ كارانتيندە قالدى.
وقۋ جىلىنىڭ باسىنان باستاپ 34 جوعارى وقۋ ورنىندا كۆي-دىڭ 186 جاعدايى تىركەلدى، 156 توپ كارانتينگە جىبەرىلدى، ءتورت توپتىڭ ستۋدەنتتەرى ءالى دە كارانتيندە، قالعاندارى وقۋعا ورالدى.
66 ورتا ارناۋلى وقۋ ورىندارىندا كوروناۆيرۋستى جۇقتىرۋدىڭ 209 جاعدايى تىركەلگەن. 159 توپ كارانتينگە جىبەرىلدى، ءبىر توپ ۇيدە وقشاۋلانۋدا.
بالاباقشالاردا 1 قىركۇيەكتەن باستاپ بالالار اراسىندا كۆي-دىڭ 139 جاعدايى تىركەلدى. 113 توپ كارانتينگە جىبەرىلدى، 113 توپ كارانتيننەن كەيىن ورالدى.
سەبد وكىلى اتاپ وتكەندەي، «وميكرون» نۇسقاسى ەپيدەميالىق پروسەسكە بالالار مەن جاسوسپىرىمدەردى بەلسەندى تۇردە تارتادى، سوندىقتان 12 جاستان اسقان بالالاردىڭ اتا-انالارىنا Pfizer وندىرگەن پرەپاراتپەن ۆاكسينالاۋعا رۇقسات بەرۋ وتە ماڭىزدى. بۇگىندە الماتىدا 21 836 ءجاسوسپىرىم ەگىلدى.
س. بايعابىلوۆ بۇگىندە ۆاكسينالاردىڭ ۇلكەن سپەكترىنىڭ ارقاسىندا ەرەسەكتەردى دە، 12 جاستان 17 جاسقا دەيىنگى بالالاردى دا ۆاكسينالاۋ ارقىلى قورعاۋعا مۇمكىندىك بار ەكەنىن اتاپ ءوتتى. ەگەر وتباسىنىڭ بارلىق مۇشەلەرى ۆاكسينالانعان بولسا، وندا كىشكەنتاي بالالار مەن قارسى كورسەتىلىمدەرى بار ادامداردىڭ جۇقتىرۋ ءقاۋپى تومەن بولادى.