«الاتاۋ جارىق كومپانياسى» اق ۇجىمى كاسىبي مەرەكەلەرىن اتاپ ءوتتى، - دەپ حابارلايدى almaty-akshamy.kz
شارا بارىسىندا بىلىكتى، ءوز سالاسىنىڭ ناعىز مايتالماندارى، كاسىبي شەبەرلەرى قۇرمەتكە بولەنىپ، ماراپاتقا يە بولدى.
سالتاناتتى جيىندى «الاتاۋ جارىق كومپانياسى» اق باسقارما ءتوراعاسى اباي اسىلوۆ باستاپ اشىپ، بارشا ۇجىمدى كاسىبي مەرەكەمەن قۇتتىقتاپ، وتباسىلارىنا باق-بەرەكە تىلەدى. بىرلىگى جاراسقان، تىرلىگى قىر اسقان ۇجىم ەل ەكونوميكاسىنىڭ دامۋىنا، ەنەرگەتيكالىق الەۋەتىن ارتتىرۋعا، قاۋىپسىزدىكتى كۇشەيتۋگە سۇبەلى ۇلەس قوسىپ كەلەدى.
مەرەكەلىك جيىندا ەرەن ەڭبەگىمەن كوزگە تۇسكەن ەنەرگەتيكتەر ق ر ەنەرگەتيكا مينيستىرلىگى، «سامۇرىق-قازىنا»، «سامۇرىق-ەنەرگو»، «Kazenergy» قاۋىمداستىعى، الماتى قالاسى اكىمىنىڭ العىس حاتتارىمەن ماراپاتتالدى.
كاسىبي مەرەكە قۇرمەتىنە وراي وسى سالادا ۇزاق جىل جەمىستى ەڭبەك ەتكەن ماماندار «ق ر ەڭبەك سىڭىرگەن ەنەرگەتيگى»، «قۇرمەتتى ەنەرگەتيك»، «ارداگەر ەنەرگەتيك» اتانىپ، ارنايى ماراپاتتارعا يە بولدى.