14 كۇن بويى الماتىلىق رەانيماتولوگتار جۇكتىلىكتىڭ ولىمگە اكەلەتىن اسقىنۋى – HELLP-سيندرومى بار بوسانعان ايەلدىڭ ءومىرى ءۇشىن تاۋلىك بويى كۇرەسكەن، دەپ حابارلايدى Almaty-akshamy.kz Azattyq Ruhy-نا سىلتەمە جاساپ.
الماتىداعى N2 قالالىق پەريناتالدىق ورتالىعىندا دارىگەرلەر 36 جاستاعى ايەلدىڭ ءومىرىن ساقتاپ قالدى.
ايەل جۇكتىلىكتىڭ 36-اپتاسىندا شۇعىل تۇردە كەسار تىلىگى ارقىلى بوساندى.
باس دارىگەردىڭ ورىنباسارى قىمبات ابرايموۆانىڭ ايتۋىنشا، HELLP-سيندرومى جاعدايلاردىڭ 4%-دان 12%-ىنا دەيىن كەزدەسەدى. HELLP-سيندرومى كوپتەگەن ورگانداردىڭ جەتكىلىكسىزدىگىنە اكەلەدى، ءتىپتى انا مەن ۇرىقتىڭ ولىمىنە اكەلۋى مۇمكىن ەكەن.
«ءبىز كەسار تىلىگىن جاسادىق، شۇكىر، ءومىرى قىل ۇستىندە تۇرعان ايەل 2،114 گرامم ۇل تۋدى. قازىرگى ۋاقىتتا نارەستەنىڭ دە، بوسانعان ايەلدىڭ دە جاعدايى قاناعاتتانارلىق. وپەراسيادان كەيىن ايەل 14 كۇن بويى رەانيماسيا بولىمىندە تاۋلىك بويى باقىلاۋدا بولدى، وندا جاپپاي گەموليزدى ەمدەۋ، بۇيرەك، باۋىر جەتكىلىكسىزدىگىنىڭ جانە ترومبوزدىڭ دامۋىن بولدىرماۋ ءۇشىن وعان پلازمالىق الماسۋ جانە ەريتروسيتتىك سۋسپەنزيانى ترانسفۋزيالاۋ پروسەدۋرالارى جۇرگىزىلدى»، - دەيدى قىمبات ابرايموۆا.
دارىگەرلەردىڭ ارەكەتتەرىنىڭ ارقاسىندا ناۋقاس 14-كۇنى رەانيماسيادان بەيىندى بولىمگە اۋىستىرىلدى، ال بۇگىن ناۋقاس بالاسىمەن بىرگە قاناعاتتانارلىق جاعدايدا ۇيىنە شىعارىلدى.