الماتىدا وتەتىن بۇل قىزىقتى تۋرنيردە ميني-فۋتبول، باسكەتبول، ۆولەيبول، ارمرەستلينگ، ۇستەل تەننيسى جانە شاحمات بويىنشا مىقتىلار اتاعىنا تالاساتىن ۇزدىك سپورتشىلار مەن كوماندالار جينالادى.
شارادا الماتى فۋتبول فەدەراسياسىنىڭ ۆيسە-پرەزيدەنتى يگور ۋتروبين ءسوز سويلەدى.
- قۇرمەتتى قاتىسۋشىلار! بۇل جارىستاردا قانشالىقتى ىنتامەن ونەر كورسەتەتىنىڭىزدەردى كورۋگە وتە قۋانىشتىمىن. سىزدەرگە دەنساۋلىق، جاقسى وقۋ جانە سپورتتىڭ ءارقاشان جاندارىڭىزدا بولۋىن تىلەيمىن»، - دەدى يگور ۋتروبين.
بارلىق سپورت تۇرلەرى - سسكا ستاديونىندا ال ،ۇستەل تەننيسىنەن جارىستار STIGA ۇستەل تەننيسى كلۋبىندا وتەدى.
ۇستەل تەننيسىنەن جاتتىقتىرۋشى ايمان ۋسپانوۆا اتاپ وتكەندەي، الماتى قالالىق ويىندارىنىڭ ءتۋرنيرى جىل سايىن وتكىزىلەدى.
- ۇستەل تەننيسىنەن جارىسقا 100-دەن استام قاتىسۋشى قاتىسادى: ايەلدەر، ەرلەر، جاستار جانە 12 جاستان اسقان بالالار. ءار جاس ساناتىنا ماراپاتتار مەن سەرتيفيكاتتار بەرىلەدى»، - دەدى ايمان ۋسپانوۆا.
Almaty City Games تەك جارىس قانا ەمەس، سونىمەن قاتار پىكىرلەس ادامدارمەن كەزدەسۋگە، قۋات الۋعا جانە الماتىنىڭ سپورتتىق رۋحىنان ءلاززات الۋعا مۇمكىندىك بەرەدى. سول كۇنى قالا ناعىز شايقاستار ارەناسىنا اينالادى، وندا ءار قاتىسۋشى ءوز شەبەرلىگىن كورسەتەدى.
«بەيبارىس» كومانداسىنىڭ ويىنشىسى ۆالەريا كيريچەنكو بىرنەشە جىلدان بەرى ۆولەيبول ويناپ، بىرنەشە تۋرنيرلەرگە قاتىسقانىن العا تارتتى.
- مەن ۆولەيبولدى مەكتەپ كەزىنەن باستادىم. سودان سسكا-دا ورنالاسقان «بەيبارىس» كلۋبىنا كەلدىم. الماتى قالالىق سپارتاكياداسى سپورتتى دامىتۋدا ۇلكەن ءرول اتقارادى، – دەدى ۆالەريا كيريچەنكو.