كريستينا ۆوروبيەۆا جەتەكشىلىك ەتەتىن وزبەكستاننىڭ «ءۇشىنشى تىنىس» دارشىلار كومانداسى II حالىقارالىق سيرك ونەر فەستيۆالىنىڭ باس جۇلدەسىن جەڭىپ الدى. «ءۇشىنشى تىنىس» ءنومىرى قازىلار القاسىنىڭ جوعارى باعاسىنا يە بولىپ، كورەرمەن كوزايىمىنا اينالدى، دەپ حابارلايدى aqshamnews.kz
وزبەكستاندىق سيرك ارتيستەرى تەك باس جۇلدەنى عانا ەمەس، سونىمەن قاتار «Armoni Organizasyon» باس ديرەكتورى احمەت ەكششي (تۇركيا) مەن قازاق مەملەكەتتىك سيركىنىڭ ارداگەرلەرىنەن ارنايى سىيلىقتار الدى. سونىمەن قاتار، ولار سانكت-پەتەربۋرگتە وتەتىن «بەز گرانيس» حالىقارالىق سيرك ونەر فەستيۆالىنە شاقىرتۋ الدى.
«ونەر ادامى ءۇشىن فەستيۆال – ەڭ كەرەمەت ءساتتىڭ ءبىرى. بۇل جاڭا تانىستىقتىڭ باستاۋى. فەستيۆال كەرەمەت ۇيىمداستىرىلعان. باسشىلىق بارلىعىن جوعارى دەڭگەيدە جاسادى. بۇكىل ۇجىمنىڭ اتىنان الماتى سيركى تابىس تىلەيمىن جانە الداعى ۋاقىتتا دا سەرىكتەستىگىمىز ارتا تۇسەدى دەپ ويلايمىن»، - دەدى دارشىلاردىڭ Sky Angels كومانداسىنىڭ جەتەكشىسى كريستينا ۆوروبيەۆا.
سايقىمازاق ديەۆيس ۆاسساللو الماتى قالاسى اكىمدىگىنىڭ ارنايى سىيلىعىمەن ماراپاتتالدى. ونىڭ كۇلكىلى نومىرلەرى كورەرمەندەردىڭ قىزىعۋشىلىعىن تۋدىردى. بۇل رەتتە يتالياندىق ءارتيستىڭ ءوزى ينتەراكتيۆتى قويىلىمدارىنا كورەرمەندەردى بارىنشا تارتۋعا تىرىستى.
التىن جۇلدە:
- ماريا تەرەنتيەۆا (رەسەي) – «كۇنگە قاراۋ» ءنومىرى.
- سۆەتلانا ميحنيۋك پەن الينا گابباسوۆا (رەسەي) – اۋە ساقيناسى «دۋو انترەسول».
- ۆونگ مەنچەن (جۇڭگو) – ەكۆيليبريست.
كۇمىس جۇلدە:
- مارينا ستارودۋبوۆا مەن دايانا جەتپىسوۆا (قازاقستان) – «جاڭبىردا ۇشۋ» ءنومىرى. سونىمەن قاتار، ولار تۇركيا مەن گرۋزيادان كەلگەن قازىلار القاسىنىڭ ارنايى سىيلىعىن جانە يتاليادا وتەتىن حالىقارالىق سيرك ونەر فەستيۆالىنە شاقىرتۋ الدى.
- «قارا بۇركىتتەر» (ەفيوپيا) – ۇيرەتىلگەن يتتەرىمەن ونەر كورسەتكەن.
- ەۆگەنيي كوميسارەنكو (رەسەي) – ۇيرەتىلگەن يتتەرىمەن ونەر كورسەتكەن.
قولا جۇلدە:
- كيمبەرلي دزاۆاتتا (يتاليا) – اۋە گيمناستشىسى.
- رومان كرونجكو مەن انگەلينا پروحوروۆا (ۋكراينا) – بەلدىكتەگى اۋە دۋەتى.
- دجوان گودينو (پورتۋگاليا) – تراپەسيا گيمناستشىسى.
استانا قالاسىنىڭ «استانالىق سيركىنەن» نۇرىم كۇلەنبايەۆ جەتەكشىلىك ەتەتىن «Virtuoso» جونگلەرلەر توبى جۇڭگو ۇلتتىق اكروباتيكالىق ترۋپپاسىنىڭ ارنايى جۇلدەسىنە يە بولدى.
قازاق مەملەكەتتىك سيركىندەگى فەستيۆال باعدارلاماسى 25 تامىزعا دەيىن جالعاسادى. بۇل ءىس-شارا سيرك ونەرىنىڭ ءتۇرلى سالالارىن كورسەتىپ، كورەرمەندەرگە ەرەكشە اسەر قالدىردى.