Air China اۋەكومپانياسى الماتى مەن چەندۋ تيانفۋ (جۇڭگو حالىق رەسپۋبليكاسى)، سىچۋان پروۆينسياسىنىڭ اكىمشىلىك ورتالىعى اراسىندا تىكەلەي اۋە قاتىناسىن ىسكە قوستى، - دەپ حابارلايدى Aqshamnews.kz.
CA456 رەيسى اپتاسىنا ەكى رەت — سەيسەنبى جانە سەنبى كۇندەرى Airbus A320 ۇشاعىمەن ورىندالادى. الماتىدان ۇشۋ ۋاقىتى — 21:30، چەندۋگە كەلۋ — كەلەسى كۇنى جەرگىلىكتى ۋاقىت بويىنشا 04:30. چەندۋ قالاسىنان الماتىعا ۇشۋ شامامەن 3،5 ساعاتتى الادى، بۇل ترانزيتتىك رەيستەرمەن سالىستىرعاندا كەمىندە 7 ساعات ۋاقىت ۇنەمدەۋگە مۇمكىندىك بەرەدى. قايتار رەيستىڭ ۇزاقتىعى — شامامەن 5 ساعات.
بۇگىندە الماتى الەمنىڭ 60 قالاسىمەن تىكەلەي اۋە رەيستەرى ارقىلى بايلانىسقان. 2025 جىلى 13 جاڭا حالىقارالىق باعىت اشىلدى. چەندۋ قالاسىنا جاڭا رەيستىڭ ىسكە قوسىلۋى قازاقستان مەن جۇڭگو اراسىنداعى ىسكەرلىك جانە تۋريستىك بايلانىستاردى نىعايتىپ، وڭىردە ءتۋريزمدى دامىتۋعا قوسىمشا مۇمكىندىكتەر اشادى