الماتى بولىمشەسىندەگى تەمىرجولشىلار تەڭگە جىمقىرىپتى

كاسىپورىننىڭ 80 ملن تەڭگەدەن استام اقشا ۇرلاعان ەسەپشىسى سوتتالدى.

باس كولىك پروكۋراتۋراسىنىڭ ارنايى پروكۋرورلارى «قتج – جۇك تاسىمالى» ج ش س الماتى بولىمشەسىندە اسا ءىرى مولشەردە اقشا قاراجاتىن ۇرلاۋدىڭ قىلمىستىق جولدارىن اشتى، دەپ حابارلايدى اlmaty-akshamy.kz  Azattyq Ruhy-نا سىلتەمە جاساپ.

تەرگەۋ مالىمەتتەرى بويىنشا، جالاقىنى ەسەپتەۋ ءۇشىن «SAP HRP» باعدارلاماسى مەن كاسىپورىننىڭ ينتەرنەت-بانكينگى اراسىنداعى ينتەگراسيانىڭ بولماۋىنا بايلانىستى الاياقتىق ارەكەتتەرى ىسكە اسىرىلعان، ياعني بۋحگالتەرلىك ەسەپ قىزمەتكەرلەرگە جالاقى بويىنشا قاجەتتى سانداردى قويۋعا مۇمكىندىك بەرگەن.

«ءتورت جىل ىشىندە ارتىق تولەمدەر سەنىمدى ادامداردىڭ كارتاسىنا اۋدارىلىپ، ارتىنشا قولما-قول اقشاعا اينالدىرىلىپ، ۇيىمداستىرۋشىلارعا بەرىلىپ وتىرعان. بۇگىنگى كۇنى ايىپتالۋشى ادام سوتقا تارتىلدى»، - دەلىنگەن باس كولىك پروكۋراتۋراسىنىڭ حابارلاماسىندا.

بۇعان دەيىن كاسىپورىندا وسىنداي قىلمىس جاساۋ ارقىلى 80 ملن تەڭگەدەن استام اقشا ۇرلاعان ءۇشىن 2023 جىلدىڭ قاڭتارىندا جەتەكشى بۋحگالتەر ج. قۇنداقبايەۆا سوتتالدى.

جىل سايىنعى اۋديتورلىق تەكسەرۋلەر بۇل كەمشىلىكتەردىڭ بارلىعىن انىقتاعان جوق. ولارعا قۇقىقتىق باعا بەرۋ ءۇشىن سوتقا دەيىنگى ءتيىستى تەرگەۋ باستالدى.

«سونداي-اق «SAP HRP» بۋحگالتەرلىك باعدارلاماسى «قتج «ۇك» اق كوپتەگەن كاسىپورىندارىندا جۇمىس ىستەيتىنى بەلگىلى بولدى»، - دەيدى ۆەدومستۆو وكىلدەرى.

كولىك پروكۋراتۋراسى مۇنداي ۇرلىققا توسقاۋىل قويۋ ءۇشىن ۇلتتىق وپەراتوردىڭ اتىنا قولدانىستاعى ەڭبەكاقى تولەۋ جۇيەسىن قايتا قاراۋ، بۋحگالتەريا قىزمەتكەرلەرىنىڭ نەگىزگى ىس-ارەكەتتەرىن سيفرلاندىرۋ جانە وسى سالاداعى جۇمىستى تيىسىنشە ۇيىمداستىرماعانى ءۇشىن كىنالى لاۋازىمدى ادامداردى جاۋاپقا تارتۋ تۋرالى ۇسىنىس ەنگىزدى.