قالا تۇرعىندارىن قالانى تازارتىپ، ونى اباتتاندىرۋ ناۋقانىنا قوسىلۋعا، وسىلايشا ونىڭ دامۋىنا ءوز ۇلەسىن قوسۋعا شاقىرىلۋدا.
ناۋقان 8 ساۋىردە باستالىپ، 8 مامىرعا دەيىن جالعاسادى. وسى كەزەڭدە قالالىق اۋماقتاردى جاقسارتۋعا جانە اباتتاندىرۋعا باعىتتالعان كوپتەگەن ءىس-شارالار وتكىزۋ جوسپاردا بار، دەپ حابارلايدى Almaty-akshamy.kz.
ءىس-شارانىڭ باستى ماقساتى — قالا تۇرعىندارىنىڭ كۇش-جىگەرىن بىرىكتىرىپ، تۋعان قالانى تازا ءارى ادەمى ەتۋ.
ناۋقان شەڭبەرىندە اۋداندىق اكىمدىكتەر مەن كوممۋنالدىق قىزمەتتەر كوشەلەردى، ۇيىشىلىك اۋماقتاردى، بالالار مەن سپورت الاڭدارىن رەتكە كەلتىرەدى. جاسىل ايماقتاردى: ساياباقتار، وزەندەر مەن كول اۋماقتارىن تازالاۋعا جانە تازارتۋعا ەرەكشە ءمان بەرىلەدى. سونداي-اق مادەنيەت وبەكتىلەرىن، ەستەلىك جانە تاريحي ورىندار مەن عيماراتتاردى جيناۋ جانە قالپىنا كەلتىرۋ جۇمىستارى ۇيىمداستىرىلادى.
سونىمەن قاتار، كوممۋنالدىق قىزمەت قىزمەتكەرلەرى اراسىندا ءتۇرلى نوميناسيالار بويىنشا كونكۋرس وتكىزىلەدى.
ءىس-شاراعا كاسىپكەرلەر دە بەلسەندى قاتىسادى. ناۋقان اياسىندا ىرگەلەس اۋماقتى تازالاۋعا، بيزنەس وبەكتىلەرىندەگى ماڭدايشالار مەن قاسبەتتەردى قالپىنا كەلتىرۋگە باعىتتالعان "ءبىزدىڭ قالا – ءبىزدىڭ بيزنەس" جوباسى ىسكە اسىرىلادى.
"جاسىل اۋلا" مەن "اعاش وتىرعىز" اكسيالارى اياسىندا كوشەتتەر مەن اعاشتاردى وتىرعىزۋ بويىنشا جەكە جۇمىستار كەشەنى جۇرگىزىلەدى.
قورشاعان ورتاعا نەمقۇرايلى قاراي المايتىن الماتىلىقتاردى تازالىقتى ساقتاۋعا ءارى قالا كەلبەتىن جاقسارتۋ جونىندەگى ماڭىزدى باستاماعا قوسىلۋعا شاقىرامىز. قالا اكىمدىگىنىڭ جوبالىق كەڭسەسى جۇزەگە اسىراتىن ناۋقان بويىنشا بارلىق مالىمەت almaty.kz سايتىندا جانە الماتى اكىمدىگىنىڭ الەۋمەتتىك جەلىلەرىندە جاريالانادى.
ەستەرىڭىزگە سالا كەتەيىك، ناۋقان 4 نەگىزگى كەزەڭگە بولىنگەن: "ءبىزدىڭ قالا — ءبىزدىڭ كوشەلەرىمىز"( 8-14 ءساۋىر)، "ءبىزدىڭ قالا — ءبىزدىڭ اۋلامىز، ءۇيىمىز "(15-21 ءساۋىر)، "ءبىزدىڭ قالا - ءبىزدىڭ تاۋلارىمىز، وزەندەرىمىز بەن كولدەرىمىز" (22-28 ءساۋىر)، "ءبىزدىڭ قالا — ءبىزدىڭ ماقتانىشىمىز" (29 ءساۋىر - 8 مامىر).
ەستەرىڭىزگە سالا كەتەيىك، 8 ساۋىردە «الماتى – ءبىزدىڭ ورتاق ءۇيىمىز» ناۋقانى باستالدى. ءاربىر تۇرعىن قالانىڭ دامۋى مەن اباتتاندىرىلۋىنا ءوز ۇلەسىن قوسا الادى.
بارلىق اقپارات almaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاسقان. سونداي-اق، ۆەب-سايتقا ارنايى QR-كود ارقىلى قالا بويىنشا ورنالاستىرىلعان باننەرلەردە، پلاكاتتاردا جانە افيشالاردا كىرۋگە بولادى.