«الماتى – ءبىزدىڭ ورتاق ءۇيىمىز» ناۋقانىنىڭ بارلىق ءىس-شاراسىنا قالا تۇرعىندارى، ەكوبەلسەندىلەر، قوعامدىق ۇيىمدار مەن ۇەۇ وكىلدەرى، مادەنيەت جانە سپورت قايراتكەرلەرى، كاسىپكەرلەر، بەلسەندى جاستار مەن ەرىكتىلەر ت.ب. 409 203 ادام قاتىستى.
كوشەلەردى تازارتۋ جۇمىستارىمەن قوسا، ناۋقان بارىسىندا قورشاعان ورتانى قورعاۋعا جانە ەكولوگيالىق قۇندىلىقتى قالىپتاستىرۋعا باعىتتالعان كوپتەگەن شىعارماشىلىق بايقاۋ، اكسيا مەن ءىس-شارا وتكىزىلدى. ۇوس ارداگەرلەرىنە، مۇگەدەكتەرگە جانە جالعىز تۇراتىن زەينەتكەرلەرگە كومەك كورسەتۋگە باعىتتالعان «جاقىنىڭا جاردەم بەر» اكسياسى جوعارى سۇرانىسقا يە ءارى دەر كەزىندە قولعا الىنعان اكسيانىڭ ءبىرى بولدى. اكسيا قورىتىندىسى بويىنشا 992 ەرىكتى ب ا ق پەن اۋلا اۋماعىن تازالاپ، قورشاۋدى، ورىندىق پەن باسپالداقتى سىرلادى، 349 كومەككە مۇقتاج ادامنىڭ ۇيىندەگى اعاشتى كەسىپ، قوقىس شىعاردى.
«قورشاۋىڭدى / ورىندىعىڭدى / بەسەدكاڭدى بويا» اكسياسى تۇرعىندار اراسىندا ەرەكشە سۇرانىسقا يە بولدى، اكسيا اياسىندا الماتىلىقتارعا 4 240 ل بوياۋ جانە 590 ل ەرىتكىش بەرىلدى. اكسيا ءۇي ماڭىنداعى اۋماقتىڭ ەستەتيكالىق مازمۇنىن جانە جەكە تۇرعىن ۇيلەردىڭ قورشاۋىن جاقسارتۋعا باعىتتالعان. اكسياعا قاتىسقىسى كەلەتىندەرگە لاك-بوياۋ ماتەريالدارى تەگىن بەرىلدى.
«مەرزىمى وتكەن دارى-دارمەكتى تاپسىر – تابيعاتتى ساقتا» اكسياسى اياسىندا 36 قالالىق ەمحانادا اشىلعان قابىلداۋ پۋنكتىنە 2 815 دانا نەمەسە 76 كەلىدەن استام پايدالانۋعا جارامسىز دارىلىك پرەپاراتتار كەلىپ ءتۇستى. اكسيا مەرزىمى وتكەن دارى-دارمەكتەردى دۇرىس كادەگە جاراتۋ جانە ولاردىڭ قورشاعان ورتاعا اسەرى تۋرالى حالىقتىڭ ساۋاتىن ارتتىرۋعا باعىتتالعان.
2 300 كگ قايتا وڭدەۋگە ارنالعان ماتەريالدى تۇرعىندار سىيلىق كۋپونىنا ايىرباستاۋ ارقىلى قايتالاما شيكىزاتتى (پلاستيكالىق بوتەلكە، ماكۋلاتۋرا، اليۋمينيي بانكا، ءمولدىر شىنى) جيناۋدى ىنتالاندىرۋعا باعىتتالعان «قوقىستى تاماققا ايىرباستا» اكسياسى اياسىندا جينادى. بارلىعى 11 قابىلداۋ پۋنكتى جۇمىلدىرىلدى، اكسياعا قاتىسۋشىلارعا 1 867 ازىق-تۇلىك كۋپونى بەرىلدى.
ەكولوگيالىق مادەنيەتتى قالىپتاستىرۋ ماقساتىندا بيىل 3 مامىردا ارباتتا تەحنيكالىق رەجيمدە پلاستيكالىق بوتەلكە مەن سۋسىننان اليۋمينيي بانكالاردى قابىلداۋ بويىنشا العاشقى فاندومات ورناتىلدى. جينالعان قايتالاما وڭدەلەتىن شيكىزاتتى پايدالى تاۋارلار وندىرەتىن كاسىپورىندارعا قايتا وڭدەۋگە بەرىلەدى. ونىڭ ورنىنا تۇرعىندار اقشالاي تۇردە بونۋستار الا الادى نەمەسە ولاردى قايىرىمدىلىق ماقساتقا بەرە الادى.
ناۋقان اياسىندا «تازا قاسبەتتەر» اكسياسى ءوتىپ، عيماراتتاردىڭ ىرگەلەس اۋماقتارى تازالاندى، تەرەزەلەر مەن ۆيتراجدار جۋىلدى، ماڭدايشالار مەن بيلبوردتار رەتكە كەلتىرىلدى. اكسياعا 1 600-دەن استام كوممەرسيالىق ۇيىم – ءىرى ساۋدا-ويىن-ساۋىق ورتالىقتارى، بيزنەس-ورتالىقتار، قوناق ۇيلەر، بازارلار، سۋپەرماركەتتەر، ءدارىحانالار، ازىق-تۇلىك دۇكەندەرى جانە ت.ب. قاتىستى.
27 ساۋىردە قالا باسشىسى، تۇرعىندار، قوعام قايراتكەرلەرى، دەپۋتاتتار، كاسىپكەرلەر، كينو جانە شوۋ-بيزنەس جۇلدىزدارىنىڭ قاتىسۋىمەن «الماتى – ب ا ق قالا» اكسياسى اياسىندا جاپپاي اعاش وتىرعىزىلدى. اكسيا بارىسىندا قالانىڭ بارلىق اۋدانىندا 8 205 جاسىل جەلەك، ونىڭ ىشىندە 4 مىڭنان استام الما اعاشى وتىرعىزىلدى.
«تازا تاۋلار: قوقىس جيناپ، تۇسكى استى تەگىن ال» اكسياسى بارىسىندا قالا تۇرعىندارى مەن ەرىكتىلەر كىشى جانە ۇلكەن الماتى شاتقالدارىنداعى «گورەلنيك» جانە «ايۋساي» ۆيزيت ورتالىقتارىنىڭ اۋماعىنا 600 كەلى قوقىس جينادى.
ايتا كەتەيىك، «الماتى – ءبىزدىڭ ورتاق ءۇيىمىز» ناۋقانىنا قالا مەكتەپتەرى مەن جوعارى وقۋ ورىندارىنىڭ وقۋشىلارى بەلسەندى قاتىستى. بيىل 11 ساۋىردە «GreenTech»، «CleanTech» جانە «ClimateTech» نوميناسيالارى بويىنشا ۇزدىك ستارتاپ-جوبالارعا بايقاۋ باستالدى، ونىڭ قورىتىندىسى بويىنشا 3 مامىردا وقۋشىلاردىڭ يننوۆاسيالىق شىعارماشىلىق ورتالىعىندا «Eco Solutions Hackathon» فورماتىندا جارىس ءوتتى. 500-دەن استام قاتىسۋشى يننوۆاسيالىق جوبالار مەن تەحنولوگيالاردى قۇرۋ ءۇشىن كوماندالاردا جۇمىس ىستەدى. تاعى 500-گە جۋىق وقۋشى «قۇستارعا ۇيا سىيلايىق» چەللەندجىنە قاتىستى. تەحنولوگيا ساباعىندا 1 مىڭنان استام ۇيا دايىندالىپ، مەكتەپ اۋلاسىنا، ساياباقتار مەن سكۆەرلەرگە ورناتىلدى. بيىل 19 ساۋىردە بارلىق جالپى ءبىلىم بەرەتىن مەكتەپتە «مەكتەپ اۋلاسىنىڭ ءوازيسى» لاندشافتى ديزاين جوبالارى فەستيۆالى ءوتتى. فەستيۆال اياسىندا 5-11 سىنىپ وقۋشىلارى 20 مىڭنان استام گۇل، 430 جەمىس اعاشى جانە 200 تۋيا كوشەتى وتىرعىزىلدى.
كوميۋنيتي ورتالىقتاردا «الەۋمەتتىك شەبەرحانا»، «ەكوسورت: تازا قالا ءۇشىن بىرگە»، «باتارەيا تاپسىر، تابيعاتتى ساقتا»، «ءومىر اعاشى: ءوز اعاشىڭدى وتىرعىز» جاستار اكسيالارى، «اكۆاريۋم»، «تازا ويىندار»، «مۇرانى ساقتاۋ: ەسكەرتكىشتەردى تازالاۋ»، «مەيىرىمگە تولى اۋىل»، «1 قاپتاما پلاستيك = 1 كەلى الما»، «جاقسىلىق اۋلالارى: ارداگەرلەر مەن مۇقتاجدارعا كومەك» جانە ت.ب. ۇيىمداستىرىلدى. جاستار ۇيىمدارىنىڭ ەرىكتىلەرى مەن وكىلدەرىمەن بىرگە 103 مىڭ ادامدى قامتيتىن 75 ءىس-شارا وتكىزىلدى. ستۋدەنتتەردىڭ كۇشىمەن (ءال-فارابي اتىنداعى قازۇۋ، ەتۋ، ابىلاي حان اتىنداعى ءقازحقجاتۋ، اەجبۋ، اباي اتىنداعى قازۇپۋ، ل.ب.گونچاروۆ اتىنداعى قازاجي، قبتۋ، اگەۋ، ەتۋ، اتۋ، س.د.اسفەندياروۆ اتىنداعى قازۇمۋ) 19 مىڭ شارشى مەتر اۋماق اباتتاندىرىلىپ، تازارتىلدى.
ناۋقاندى سپورتتىق جۇگىرۋ قاۋىمداستىعى قولدادى. باۋم توعايىندا 500-دەن استام ادامنىڭ قاتىسۋىمەن پلوگگينگ جارىسى ءوتتى. شىعارماشىلىق توپتار مەن مادەنيەت قايراتكەرلەرى ناۋقانعا ءبىرقاتار شىعارماشىلىق جوبامەن ۇلەس قوستى. «قوقىستان جاسالعان ۇزدىك ارت-نىسان» بايقاۋىنا 30-دان استام ءوتىنىم كەلىپ ءتۇستى. جۇلدە قورىن دەمەۋشى تاعايىندادى، ول شامامەن 2 ملن تەڭگە. جەڭىمپازداردىڭ جۇمىسى كرەاتيۆتى ەكو-حابتا جانە كوميۋنيتي ورتالىقتاردا كورسەتىلەدى.
جالپىقالالىق ناۋقان «مۋسورگي» فلەشموبىمەن اياقتالدى. تابيعاتتىڭ لاستانۋىنا بەيسانالىق كوزقاراستىڭ سالدارىن بەينەلەيتىن الماتىلىق سۋرەتشىلەر جاساعان قوقىستان جاسالعان كوستيۋمدى كەيىپكەرلەر پانفيلوۆ كوشەسىمەن ارباتقا دەيىن ءجۇرىپ ءوتتى. ءىس-شارا بارىسىندا تۇرعىندارعا الماتى قالاسى اكىمىنىڭ ورىنباسارى الىشەر ءابدىقادىروۆ جۇگىندى. ول «الماتى – ءبىزدىڭ ورتاق ءۇيىمىز» ناۋقانىنا بەلسەندى قاتىسقان جانە قولداۋ كورسەتكەن بارلىق ازاماتقا، قوعام قايراتكەرىنە جانە بيزنەسكە العىس ايتىپ، 8 مامىردا رەسمي تۇردە اياقتالعانىنا قاراماستان، ناۋقان يگى ىستەر مەن ىس-ارەكەتتەردە جالعاسىپ، قالا تۇرعىندارى ءۇشىن كۇندەلىكتى ءومىردىڭ ءبىر بولىگىنە اينالۋعا ءتيىس ەكەنىن اتادى.