«الماتى – ءبىزدىڭ ورتاق ءۇيىمىز» كامپانياسى اياسىندا الماتى قالاسىنىڭ ەكولوگيا جانە قورشاعان ورتا باسقارماسى «جاسىل اۋلا» ناۋقانىن جۇزەگە اسىردى. 30 ناۋرىزدان باستاپ قالا تۇرعىندارىنان كوپقاباتتى ۇيلەردىڭ اۋلاسى مەن قوعامدىق كەڭىستىكتەردى كوگالداندىرۋ ءۇشىن جاپىراقتى كوشەتتەردى الۋعا وتىنىمدەر قابىلدانادى. كوشەتتەر تەگىن بەرىلەتىن بولادى.
قالا تۇرعىندارىنىڭ ءوتىنىشى بويىنشا وتىنىمدەردى قابىلداۋ 2024 جىلعى 15 ساۋىرگە دەيىن ۇزارتىلدى. كورسەتىلگەن ۋاقىتتان كەيىن جولدانعان وتىنىشتەر قابىلدانبايدى، دەپ حابارلايدى Almaty-akshamy.kz.
وسىعان وراي، 8 ساۋىرگە دەيىن بەرىلگەن وتىنىشتەر بويىنشا كوشەتتەر 13،14 ءساۋىر كۇندەرى، ال 9-15 ءساۋىر ارالىعىندا بەرىلگەن وتىنىشتەر بويىنشا كوشەتتەر 20،21 ءساۋىر ارالىعىندا الماتى ق.، اۋەزوۆ اۋدانى، يۋريي كيم ك-سى، 9 («Eco Almaty» ج ش س) مەكەنجايىندا جۇرگىزىلەتىن بولادى.
ناۋقان اياسىندا ءبىر ادامعا 20-عا دەيىن كوشەت بولىنەدى، بۇل رەتتە ءوتىنىش بەرۋشى وتىرعىزىلعان اعاشتاردى الداعى ءۇش جىل بويى كۇتىپ-باپتاۋ تۋرالى كەپىلدى مىندەتتەمەگە قول قويۋى ءتيىس.وتىرعىزىلعان كوشەتتەردىڭ فوتو ەسەبىن جىبەرۋ قاجەت.
قوسىمشا اقپارات الۋ ءۇشىن الماتى قالاسىنىڭ ەكولوگيا جانە قورشاعان ورتا باسقارماسىنىڭ جاسىل قوردى باسقارۋ جانە مونيتورينگ بولىمىنە بايلانىس ءنومىرى بويىنشا حابارلاسۋعا بولادى: +7 707 546 1770، +7 727 390 41 17. قوڭىراۋلار جۇمىس كۇندەرى ساعات 9:00-دەن 18:00-گە دەيىن قابىلدانادى.