1 ساعات 9 مينۋت ىشىندە ءسوندىرىلدى.
الماتىداعى «باراحولكا» بازارىنان شىققان ءورت ءسوندىرىلدى، دەپ حابارلايدى Almaty-akshamy.kz.
الماتى قالالىق توتەنشە جاعدايلار دەپارتامەنتىنىڭ حابارلاۋىنشا، وقيعا ورنىندا جەكە قۇرامنىڭ 86 قىزمەتكەرى، 25 تەحنيكاسى مەن قالانىڭ ءوزارا ءىس-قيمىلىنىڭ بۇكىل كۇش-قۇرالدارى جۇمىلدىرىلدى.
جالىندى اۋىزدىقتاۋ ءۇشىن 3 ۋچاسكە قۇرىلدى. ءورت وشاعىن انىقتاۋعا تەپلوۆيزورلار قولدانىلدى.
وتقا ورانعان قويمانىڭ بەتون كونسترۋكسيالارىنىڭ قۇلاۋ ءقاۋپى بولعاندىقتان ءورت سوندىرۋشىلەر قاۋىپسىزدىك تەحنيكاسىن ساقتاۋعا ەرەكشە نازار اۋداردى.
«قابىلدانعان جەدەل شارالاردىڭ ارقاسىندا كۇردەلى ءورت 1 ساعات 9 مينۋت ىشىندە ءسوندىرىلدى. قىزىل جالىن 1،5 مىڭ شارشى مەتر اۋماقتى شارپىدى. زارداپ شەككەندەر جوق»،- دەپ حابارلادى قالالىق تجد باسپا ءسوز قىزمەتى.
ەسكە سالا كەتەيىك، الماتىنىڭ «باراحولكا» بازارى بۇگىن تاڭەرتەڭنەن بەرى ورتەنىپ جاتقانىن حابارلاعان بولاتىنبىز.