الماتىدا «الماتى بالاFEST–2023» اۋقىمدى بالالار فەستيۆالىنىڭ قالالىق كەزەڭى باستالدى. ءبىرىنشى فەستيۆال مەملەكەت باسشىسىنىڭ قاتىسۋىمەن 2022 جىلى بالالار جىلى اياسىندا ءوتتى. فەستيۆال حالىقارالىق بالالاردى قورعاۋ كۇنىنە ورايلاستىرىلىپ، بالالار مەن اتا-انالار ءۇشىن مەرەكەگە اينالادى. ءىس-شاراعا ءبىلىم بەرۋ ۇيىمدارىنىڭ 1-11 سىنىپ وقۋشىلارى قاتىسادى، دەپ حابارلايدى almaty-akshamy.kz
فەستيۆالدىڭ باستى يدەياسى-بالالاردىڭ شىعارماشىلىق قابىلەتتەرىن دامىتۋ جانە قولداۋ ءۇشىن قالادا جۇزەگە اسىرىلىپ جاتقان ۇزدىك جوبالار مەن باستامالاردى بىرىكتىرۋ.
فەستيۆال اياسىندا جالپى 300 مىڭ بالانى قامتيدى جانە 3 كەزەڭدە (مەكتەپ، اۋداندىق، قالالىق) 7 باعىت بويىنشا كونكۋرستار وتكىزىلەدى:
- «جۇلدىزدى ءسات»
- «بوياۋلار قۇپياسى»
- «ونەرلى بالا»
- «كىتاپ – ءبىلىم بۇلاعى»
- «جاسىل الماتى»
- «OpenAir Sport»
- «حاكاتون – IT Universe»
بالالار فەستيۆالى اياقتالعان سوڭ 1 ماۋسىمدا قالالىق بايقاۋلاردىڭ 1000-نان استام جەڭىمپازدارىن ماراپاتتاۋ ءراسىمى وتەدى. سونداي-اق، بيىلعى حالىقارالىق جانە رەسپۋبليكالىق زياتكەرلىك وليمپيادالاردىڭ 50 التىن مەدال يەگەرلەرىنە قۇرمەت كورسەتىلەدى. ۇزدىك جەتىستىكتەردىڭ ارقاسىندا الماتى قالاسىنىڭ قۇراما كومانداسى 18 جىلدان بەرى «ق ر ۇزدىك وليمپيادالىق كومانداسى» بولىپ تابىلادى.
فەستيۆال باعدارلاماسى تانىمدىق ويىندار، شەبەرلىك سىنىپتارى، كورمەلەر، تەاتر قويىلىمدارى جانە ت.ب. سياقتى مادەني-ويىن-ساۋىق ءىس-شارالارىنىڭ كەڭ اۋقىمىن قامتيدى. بارلىق كونكۋرستار بالالاردىڭ تالانتى مەن شىعارماشىلىعىن كورسەتۋگە، ولاردىڭ جاعىمدى ەنەرگيامەن قۋاتتانۋىنا قاتىستى ۇيىمداستىرىلادى.
بالالارعا ارنالعان اۋماقتا فوتوايماق ۇيىمداستىرىلادى، وندا اركىم ءوزىن بەلگىلى سۋرەتشىلەرمەن، سپورتشىلارمەن، قولونەرشىلەرمەن، ارتىستەرمەن جانە ت. ب. كومپانيادا سۋرەتكە تۇسىرە الادى.
فەستيۆال قالانىڭ بالالارىن، اتا-انالارى مەن پەداگوگتارىن بىرىكتىرەدى، ءاربىر بالا ءۇشىن ناقتى مۇمكىندىكتەر كەڭىستىگىنە جانە جاڭا تالانتتاردى اشۋ ورنىنا اينالادى.
ۇيىمداستىرۋشى – الماتى قالاسىنىڭ ءبىلىم باسقارماسى.
ۇيىمداستىرۋ كوميتەتى بۇل فەستيۆال بالالاردىڭ شىعارماشىلىق الەۋەتىن دامىتۋعا جانە سالاۋاتتى قوعامدى قالىپتاستىرۋعا ىقپال ەتەتىن ماڭىزدى وقيعا بولاتىنىنا سەنىمدى.
قوسىمشا اقپارات:
الماتى ق.، سەيفۋللين ك-سى، 597، «الماتى دارىنى» دارىندى بالالار مەن دارىندى جاستاردى انىقتاۋ جانە قولداۋ ورتالىعى
تەل.: +7 (727) 255-83-05، 87754191880