«تۇمار-2022» تەليەۆيزيالىق بايگەسىنىڭ ۇزدىگى
«تۇمار-2022» تەليەۆيزيالىق بايگەسىندە ۇزدىك ويىن-ساۋىق باعدارلاماسى بولىپ تانىلعان «Almaty BALA FEST» تەليەۆيزيالىق فەستيۆالى كورەرمەنگە قايتا جول تارتادى، دەپ حابارلايدى Almaty-akshamy.kz Almaty.tv-گە سىلتەمە جاساپ.
«مەن مەملەكەت باسشىسى رەتىندە وسكەلەڭ ۇرپاقتىڭ بولاشاعىنا باسا ءمان بەرەمىن. جاستارعا زور ءۇمىت ارتامىن» دەي كەلە قاسىم-جومارت توقايەۆ «بالالار جىلى جالاڭ ۇران مەن مەرەكەلىك شارالاردان» اۋلاق بولۋدى ايتقان ەدى. وتكەن جىلى «الماتى» ارناسى ۇسىنعان «Almaty BALA FEST» تەليەۆيزيالىق جوباسى سونىڭ دالەلى. سەبەبى، 2021 جىلعى فەستيۆالگە تالاي تالانتتى دا، ونەرلى جاستار قاتىسىپ، كورەرمەن ىقىلاسىنا بولەنگەن ەدى. دەمەك، مەملەكەت تاراپىنان بالالار ونەرىن قولداپ، ولاردىڭ دامۋىنا جاسالعان جاعداي، سونداي-اق ءادىل قازىلاردىڭ ەڭبەگى، ونەرلى ورەندەردىڭ ىقىلاسى فەستيۆالدىڭ ۇزدىك اتانۋىنا سەبەپ بولعان.
جوبانىڭ بيىلعى ەرەكشەلىگى – جۇرگىزۋشى تاڭداۋدا تالاپتى كۇشەيتىك. باعدارلامانى بيازى مىنەزىمەن كوزگە تۇسكەن تانىمال اكتەر ەركەبۇلان مىرزابەك تىزگىندەيتىن بولادى.
«ءبىز ءۇشىن ءار بالا ەرەكشە، ءارقايسىسى تالانت يەسى. ءبىز ەشكىمدى ءبولىپ جارمايمىز. ءار بالا قازاقستان بولاشاعىنىڭ جارقىن كەپىلى دەپ بىلەمىز»، - دەيدى ايگۇل اقسامبييەۆا.
باعدارلامانىڭ باستى ماقساتى – بالالاردى ىنتالاندىرۋ، قولداۋ. ساحنادا ونەر كورسەتكەن بالانى كورىپ وتىرعان كورەرمەندى دە قىزىقتىرىپ، سەنىمىن ارتتىرۋ.
«جاڭا ماۋسىمدا تورەشىلەر قۇرامى وزگەرگەن جوق. نۇرگۇل نۇعمانوۆا، دانيار وتەگەن، گۇلناز جولانوۆا قازىلار القاسى قۇرامىندا وتىرادى. ال باعدارلاما سايىن اۋىسىپ وتىراتىن تورەشى بالالارعا ۇلگى بولاتىن تانىمال جاستاردىڭ اراسىنان ىرىكتەلىپ الىناتىن بولادى»، – دەدى ايگۇل اقسامبييەۆا.
سونداي-اق وسى ماۋسىمدا كورەرمەن كوزايىمىنا اينالاتىن تالانت يەلەرى كوپ. اسىرەسە، قازاقتىڭ ءتول ونەرىن، ۇلتتىق مۋزىكاسىن سەرىك ەتكەن ونەرپازدار سانى ارتىپتى. سولاردىڭ ءبىرى – اۋكەن دىنمۇحاممەد.
«2 سىنىپ وقىپ جۇرگەنىمدە دومبىراعا قىزىعا باستادىم. اتا-انام بايقاپ، ونەر مەكتەبىنە دومبىرا ۇيىرمەسىنە بەردى. دومبىرا ارقىلى قازاقستاندى بارشا الەمگە تانىتقىم كەلەدى. وسى جولعى ماقساتىم – ونەرىمدى ودان ءارى شىڭداي ءتۇسۋ»، - دەيدى اۋكەن دىنمۇحاممەد.
«ءبىزدىڭ كەزىمىزدە ءانشى دە، توپ دا، اكتەر دە از بولاتىن. قازىرگى ۇرپاق بىزگە قاراعاندا جان-جاقتى. ەڭ ماڭىزدىسى – قازىرگى رەپ، q-pop زامانىندا بالالاردىڭ ءوز ءتۇپ-تامىرىنا قايتا ورالىپ، حالقىمىزدى تانىتاتىن ەتنيكالىق مۋزىكا باعىتىنا بەت بۇرۋى»، - دەدى نۇرگۇل نۇعمانوۆا.
جاڭا ماۋسىمدا «الماتى» تەلەارناسىندا «اlmaty BALA FEST» باعدارلاماسى قىركۇيەك ايىندا ەفيرگە شىعادى.