ءقازىر الماتىدا 80 تەڭگەلىك تاريف بار.
بۇعان دەيىن الماتى اكىمى ەربولات دوسايەۆ «جاڭا تاريفتىك ساياسات» ەنگىزىلەتىنىن ايتقان بولاتىن، دەپ حابارلايدى Almaty-akshamy.kz
الماتى قالالىق موبيلدىلىك باسقارماسى قوعامدىق كولىكتەردەگى جول ءجۇرۋ اقىسىن وزگەرتۋ ماسەلەسىنە قاتىستى پىكىر ءبىلدىردى.
«تاريف 2012 جىلدان بەرى وزگەرگەن جوق. وسى ۋاقىتتان بەرى ججم قۇنى، جۇرگىزۋشىلەردىڭ جالاقىسى، اۆتوبۋستار مەن قوسالقى بولشەكتەر قۇنى بىرنەشە ەسە ءوستى. ءتاريفتى وزگەرتۋ تۋرالى شەشىم قابىلدانعان جاعدايدا، ول الدىن الا جانە حالىقپەن قوعامدىق تىڭداۋلار وتكىزىلگەننەن كەيىن عانا حابارلانادى»، - دەدى الماتى قالالىق موبيلدىلىك باسقارماسى وكىلدەرى.
باسقارما مالىمەتىنشە، ءاربىر الەۋمەتتىك ماڭىزى بار مارشرۋت ءۇشىن جەكە انىقتالاتىن ەسەپتىك تاريف ۇعىمى بار. ەسەپتىك تاريف 2017 جىلى ەنگىزىلگەن سۋبسيديالاۋ شاماسىن ايقىنداۋ كەزىندە قولدانىلادى. وسىلايشا، تاسىمالداۋشىلارعا ەسەپ ايىرىسۋ مەن بازالىق تاريف اراسىنداعى ايىرما تولەنەدى، ياعني ولاردىڭ شىعىنى ءىس جۇزىندە وتەلەدى.
«ەسەپتىك تاريف - بۇل جول ءجۇرۋدىڭ ناقتى قۇنىن كورسەتەتىن تاريف، ول تاسىمالداۋشىنىڭ مارشرۋتتارعا قىزمەت كورسەتۋگە ارنالعان شىعىندارىن (ججم، جوندەۋ، تەحنيكالىق قىزمەت كورسەتۋ، جۇرگىزۋشىنىڭ جالاقىسى، امورتيزاسيالىق شىعىستار جانە ت.ب.)، سونداي-اق جولاۋشىلاردى تاسىمالداۋدان تۇسەتىن كىرىستەردى ەسكەرە وتىرىپ قالىپتاسادى. ورتاشا تاريف - 250 تەڭگە»، - دەدى باسقارما وكىلدەرى.
قازىرگى ۋاقىتتا قالاداعى قوعامدىق كولىكتەردەگى تاريفتەر مىناداي:
