الماتىنىڭ قالا قۇرىلىسىن باقىلاۋ باسقارماسى جاماكايەۆ كوشەسىندە سالىنىپ جاتقان تۇرعىن ءۇي كەشەنىنىڭ جوبادان اۋىتقىعانى تۋرالى حابارلادى.
اتاپ ايتقاندا، «Benta» ج ش س تاپسىرىس بەرۋشىسى Autograph تۇك قاباتتىلىق نورماسىن بۇزعان. ەسكيزدىك جوباعا سايكەس، نىسان 3 قابات + تەحنيكالىق قاباتتان تۇرۋى كەرەك. الايدا ءقازىر كەشەننىڭ وڭتۇستىك-باتىس جاعىندا 4 قابات، سولتۇستىك-شىعىس جاعىندا 3 قابات بار. سونىمەن قاتار، نىساننىڭ ەڭ بيىك جەرى شامامەن 18 مەتر، ال رۇقسات ەتىلگەن بيىكتىك 12 مەتردەن اسپاۋعا ءتيىس.
ەستەرىڭىزگە سالا كەتەيىك، 2022 جىلى الماتى قالاسىنىڭ ءماسليحاتىنىڭ شەشىمىمەن جانە اكىمدىكتىڭ ۇسىنىسى نەگىزىندە قۇرىلىس ەرەجەسىنە ءبىرقاتار وزگەرىس ەنگىزىلگەن بولاتىن. سونىڭ ىشىندە ءال-فارابي داڭعىلىنان جوعارى ورنالاسقان عيماراتتار ءۇشىن 3 قاباتتان اسپايتىن، جەرتولە قاباتتى قوسقاندا 12 مەتردەن بيىك بولماۋى ءتيىس دەگەن شەكتەۋلەر بار.
قازىرگى ۋاقىتتا Autograph تۇك-نىڭ قۇرىلىس-مونتاجداۋ جۇمىستارى توقتاتىلىپ، ءبىر اي ىشىندە بۇزۋشىلىقتاردى تۇزەتۋ جانە نىساندى رۇقسات بەرۋ قۇجاتتاماسىنا سايكەستەندىرۋ تۋرالى نۇسقاما بەرىلدى.
ايتا كەتۋ كەرەك، تالاپتاردى ورىنداماۋ سوت تالقىلاۋلارىنا، سونىڭ ىشىندە نىساننىڭ جارتىلاي بۇزىلۋىنا اكەلۋى مۇمكىن.
جالپى، الماتى اكىمى ەربولات دوسايەۆتىڭ قۇرىلىسقا باقىلاۋدى كۇشەيتۋ تاپسىرماسى اياسىندا بىلتىر جىل باسىنان بەرى 47 زاڭسىز نىسان، سونىڭ ىشىندە «مەچتا»، KHAN، «الما گاردەن» جانە باسقا تۇرعىن ءۇي كەشەندەرى تولىق نەمەسە جارتىلاي ءسۇرىلدى.