الماتى اۋرۋحاناسى: ايتۆ قالاي جۇعۋى مۇمكىن

1 تامىزدا ۇكىمەت وتىرىسىندا باس سانيتار دارىگەر، دەنساۋلىق ساقتاۋ ۆيسە-مينيسترى ايجان ەسماعامبەتوۆا الماتىداعى ورتالىق قالالىق كلينيكالىق اۋرۋحانانىڭ ەمدەلۋشىلەرىنە ايتۆ ينفەكسياسىنىڭ قالاي جۇعۋى مۇمكىن ەكەنىن ايتتى، دەپ حابارلايدى Almaty-akshamy.kz Zakon.kz-كە سىلتەمە جاساپ.

مينيسترلىك باسشىسىنىڭ ورىنباسارى قاداعالاۋ ورگاندارىنىڭ «اۋرۋحاناداعى ءار قىزمەتكەردىڭ ۇستىنەن كۇندە تۇرا بەرمەيتىنىن» اتاپ ءوتتى. ول ءۇشىن وندىرىستىك باقىلاۋ، پەرسونالدىڭ لاۋازىمدىق نۇسقاۋلىقتارى، سونى باقىلايتىن قۇرام بار.

«مانيپۋلياسيالار كەزىندە باسقارما باسشىلىعى تاراپىنان ستاندارتتاردى ساقتاۋ بويىنشا باقىلاۋ بولماعانى انىقتالدى»، - دەدى ايجان ەسماعامبەتوۆا.

28 شىلدە كۇنى الماتى قالاسى بويىنشا سانيتارلىق-ەپيدەميولوگيالىق باقىلاۋ دەپارتامەنتى ديرەكتورىنىڭ ورىنباسارى اسەل قالىقوۆا ورتالىق قالالىق كلينيكالىق اۋرۋحانادا ايتۆ ينفەكسياسىنا تەستىلەۋدىڭ قورىتىندىسىن جاريالادى. ەپيدەميولوگيالىق تەكسەرۋ قورىتىندىسى بويىنشا كوميسسيا مۇشەلەرى ءۇش ادامنىڭ ايتۆ جۇقتىرۋىنىڭ ەڭ ىقتيمال سەبەبى ادام فاكتورى دەگەن قورىتىندىعا كەلدى. ءۇش ناۋقاستىڭ جۇقتىرۋ فاكتىسى ادام فاكتورىمەن بايلانىستى بولۋى مۇمكىن. اتاپ ايتقاندا - ينۆازيالىق مانيپۋلياسيالار كەزىندە جەكە مەدبيكەلەردىڭ وپەراسيالىق پروسەدۋرالار ستاندارتتارىن بۇزۋى جانە ولاردىڭ قىزمەتىن باقىلاۋدىڭ بولماۋى.