وتكەن تاۋلىكتە كۆي-دىڭ 767 جاڭا جاعدايى تىركەلدى.
الماتى اۋرۋحانالارىندا 200 جۋىق ادام سOVID-19 دەرتىنەن ەمدەلىپ جاتىر، دەپ حابارلايدى Almaty-akshamy.kz.
قالاداعى دارىگەرلەردىڭ ايتۋىنشا، 27 شىلدە كۇنى كوروناۆيرۋستىق ينفەكسيانىڭ 767 جاڭا جاعدايى تىركەلدى (جەرگىلىكتى)، ونىڭ 748 سيمپتومدىق بەلگىلەرى بار جانە 19 سيمپتومسىز.
ينفەكسيالىق ستاسيونارلاردا (500 توسەك-ورىن جۇكتەمەسى) جالپى سانى 189 پاسيەنت ەم الىپ جاتىر.
جالپى، رەانيماسيا جانە قارقىندى تەراپيا بولىمشەسىندە – 0.
«بۇگىنگى تاڭدا بمسك مەن تەلەمەديسينا ورتالىعى دارىگەرلەرىنىڭ باقىلاۋىندا 3 558 ناۋقاس باقىلاۋدا، ولاردىڭ ىشىندە جەڭىل جانە ورتاشا اۋىرلىق دارەجەسىندە 3 328، سيمپتومسىز 230 ناۋقاس بار»،- دەلىنگەن الماتى قالاسى قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتىنىڭ حابارلاماسىندا.
الماتى قالاسى بويىنشا ءبىر تاۋلىك ىشىندە I كومپونەنتتى 733 ادام، II كومپونەتتى 556 ادام ۆاكسينا الدى. ريەۆاكسيناسيادان 5 574 ادام ءوتتى.
2021 جىلدىڭ 1 اقپانىنان وسى جىلدىڭ 27 شىلدەسى ارالىعىندا قالا بويىنشا I كومپونەنتتى 1 236 053 ادام، II كومپونەنتتى 1 203 722 ادام الدى. 2021 جىلدىڭ 22 قاراشاسىنان 2022 جىلدىڭ 27 شىلدەسى ارالىعىندا 535 038 قالا تۇرعىنى ريەۆاكسيناسيادان ءوتتى.
بۇگىنگى تاڭدا Pfizer (Comirnaty) ۆاكسيناسىن العاندار 118 466 ادامدى قۇرايدى.
«بۇگىنگى تاڭدا قالادا مەديسينالىق ۇيىمداردا 85 ۆاكسيناسيا پۋنكتى جۇمىس ىستەيدى. 99 ۆاكسيناسيا بريگاداسىندا 313 مەديسينا قىزمەتكەرلەرى جۇمىلدىرىلدى»،- دەلىنگەن الماتى قالاسى قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتىنىڭ حابارلاماسىندا.