قىزمەتكەرلەردىڭ تۇرۋى، كەڭسە مەن ءۇي-جايلارىن جالعا الۋى جانە ت.ب. بارلىق شىعىندارى تولىعىمەن بۇۇ-نىڭ بيۋدجەتىنەن قارجىلاندىرىلادى.
اۋعانستانداعى ىشكى ساياسي احۋالدىڭ شيەلەنىسۋىنە بايلانىستى بىرىككەن ۇلتتار ۇيىمى ءوزىنىڭ اۋعانستانعا جاردەم كورسەتۋ جونىندەگى ميسسياسىن جانە اير-دا اككرەديتتەلگەن بۇۇ-نىڭ باسقا دا اگەنتتىكتەرىن الماتى قالاسىنا ۋاقىتشا ورنالاستىرۋ تۋرالى قازاقستانعا ءوتىنىش ءبىلدىردى، دەپ حابارلايدى Almaty-akshamy.kz ق ر ءسىم باسپا ءسوز قىزمەتىنە سىلتەمە جاساپ.
قازاقستان مەن بۇۇ-نىڭ جان-جاقتى ءوزارا ءىس-قيمىلى رۋحى شەڭبەرىندە جانە وسى ۇيىمنىڭ تولىق قۇقىقتى مۇشەسى رەتىندەگى مىندەتتەمەلەرى اياسىندا پرەزيدەنت قاسىم-جومارت توقايەۆ بۇۇ ءوتىنىشىن قولداۋ تۋرالى شەشىم قابىلدادى.
ءسىم الماتى اكىمدىگى، قۇزىرەتتى ۆەدومستۆولار جانە قىزمەتتەرمەن بىرلەسىپ، ولاردى ورنالاستىرۋ بويىنشا جەدەل تۇردە قاجەتتى شارالاردى قابىلداۋدا. كەلگەن قىزمەتكەرلەر حالىقارالىق ديپلوماتتار، بۇۇ پاسپورتتارى مەن يممۋنيتەتتەرىنىڭ يەگەرلەرى بولىپ تابىلادى.
الماتىدا UNAMA جانە باسقا دا بۇۇ اگەنتتىكتەرىنىڭ كەڭسەلەرىن ورنالاستىرۋ جانە ولاردىڭ ودان ءارى قىزمەت ەتۋى ۋاقىتشا، ياعني اۋعانستانداعى جاعداي تۇراقتالعانعا دەيىن، شامامەن جارتى جىلعا سوزىلادى دەپ كۇتىلۋدە.