الماتى اۋەجايىنىڭ ەكىنشى قاباتىنداعى كولىك قوزعالىسى بىرنەشە كۇنگە شەكتەلەدى، دەپ حابارلايدى aqshamnews.kz.
بۇل تۋرالى اۋەجايدىڭ باسپا ءسوز قىزمەتى حابارلادى.
الماتى حالىقارالىق اۋەجايى مالىمەتىنشە، 16-21 قىركۇيەك ارالىعىندا ەكىنشى قاباتقا كوتەرىلۋگە مۇمكىندىك بەرەتىن كولىكتەرگە ارنالعان پاندۋستىڭ كەڭەيۋىنە بايلانىستى ەكىنشى قاباتقا شىعۋ ۋاقىتشا جابىلادى.
ىشكى جانە حالىقارالىق تەرمينالدارعا جولاۋشىلاردى ءتۇسىرۋ ءبىرىنشى قاباتتىڭ ۇشىپ كەلۋ ايماعىندا ورىندالادى.
— جولاۋشىلاردىڭ اۋەجايعا الدىن الا كەلۋىن سۇرايمىز. ۋاقىتشا قولايسىزدىق ءۇشىن كەشىرىم سۇرايمىز، — دەپ حابارلادى اۋەجايدان.
ايتا كەتكەن ءجون، الماتى قالاسىنىڭ تۋريزم باسقارماسى، الماتى حالىقارالىق اۋەجايى جانە ۇقك الماتى شەكارالىق باقىلاۋ باسقارماسىنىڭ ۇيىمداستىرۋىمەن حالىقارالىق اۋەجاي اۋماعىندا قالا كۇنىنە وراي «الماتىنىڭ سيمۆولى — سىيلىققا» اتتى اكسيا ءوتتى.
پاسپورتتىق باقىلاۋ ايماعىندا حالىقارالىق رەيستەردىڭ جولاۋشىلارىنا الماتىنىڭ جىلۋى مەن قوناقجايلىلىعىن بىلدىرەتىن «اپورت» سۇرىپتى المالار ۇسىنىلدى.
اكسيا شامامەن 10 مىڭ جولاۋشىنى جانە 50-دەن استام رەيستى قامتىدى.