الماتى حالىقارالىق اۋەجايىنىڭ جاڭا تەرمينالىندا Visit Almaty اقپاراتتىق ورتالىعى جۇمىسىن باستادى.
بۇل قالاداعى ءارتۇرلى جەرلەردە ورنالاسقان اقپاراتتىق ورتالىقتار جەلىسىنىڭ ونىنشى نۇكتەسى، دەپ حابارلايدى aqshamnews.kz.
ورتالىق تاۋلىك بويى جۇمىس ىستەيدى. حالىقارالىق، سونداي-اق ىشكى تۋريستەرگە اقپاراتتىق جانە كەڭەس بەرۋ كومەگىن ۇسىنادى. كۇندىزگى جانە تۇنگى اۋىسىمدا جۇمىس ىستەيتىن بىلىكتى كەڭەسشىلەر شەتەلدىك تۋريستەرگە قالاداعى باعىت-باعدار بويىنشا، كورىكتى جەرلەردى تابۋعا كومەكتەسەدى. سونىمەن قاتار، مادەني ءىس-شارالار مەن تۋريستىك مارشرۋتتارعا قاتىستى سۇراقتارعا جاۋاپ بەرەدى.
ورتالىقتا تۋريستەر ءۇشىن ارنايى ايماق جابدىقتالعان. بۇل ايماقتا تۋريستەر جۇك سومكەلەرىن جوعالتىپ العان جاعدايدا نەمەسە باسقا دا كۇتپەگەن جايتتار ورىن العان ساتتە، تەك كومەك الىپ قانا قويماي، ءوز ماسەلەلەرىنىڭ شەشىمىن قولايلى جەردە كۇتۋگە مۇمكىندىك الادى.
Visit Almaty اقپاراتتىق ورتالىقتارى تۋريستەرگە ماڭىزدى اقپارات پەن قىزمەتتەرگە قولجەتىمدىلىكتى ەداۋىر جەڭىلدەتىپ، تۋريستىك ينفراقۇرىلىمدى دامىتۋعا جانە قالانىڭ تۋريستەر اراسىنداعى تارتىمدىلىعىن ارتتىرۋعا ىقپال ەتەدى.
