الماتىدا سوت ناۋرىزدىڭ باسىندا اۋەجاي قىزمەتكەرىن كەپىلگە العان ماشراپبەك باراتوۆقا قاتىستى ۇكىم شىعاردى، - دەپ حابارلايدى اqshamnews.kz ءتىلشىسى.
تۇركسىب اۋداندىق سوتى ماشراپبەك باراتوۆتى 10 جىل 6 ايعا باس بوستاندىعىنان ايىردى.
سونىمەن قاتار، ۇكىمگە 2023 جىلعى ءىس بويىنشا تاعايىندالعان، ءبىراق وتەلمەگەن جازانىڭ مەرزىمى قوسىلعان. ول ءىس بويىنشا سوتتالعان ادامعا بوستاندىعىن شەكتەۋ جازاسى تاعايىندالعان. ناتيجەسىندە تۇپكىلىكتى جازا 11 جىلعا باس بوستاندىعىنان ايىرۋ بولىپ بەلگىلەندى.
باراتوۆ جازاسىن ورتاشا قاۋىپسىزدىك دەڭگەيىندەگى مەكەمەدە وتەيدى. سوتتا ايىپتالۋشىنىڭ كىناسىن مويىنداۋى جەڭىلدەتەتىن جاعداي رەتىندە ەسەپكە الىندى.
بۇعان دەيىن مەملەكەتتىك ايىپتاۋشى باراتوۆتىڭ قاماۋدا وتىرعان مەرزىمىن 7 ناۋرىزدان باستاپ ەسەپتەۋدى سۇراعان.
ەسكە سالايىق، زەينەتكەر باراتوۆقا قاتىستى سوت 2025 جىلعى 7 ساۋىردە باستالعان بولاتىن. سول وتىرىستا كولىك اسكەري پروكۋراتۋراسىنىڭ پروكۋرورى ىستەگى ايعاقتاردى ايىپتالۋشى تەرىسكە شىعارماعانىن ايتىپ، سوت وتىرىسىن قىسقارتىلعان تارتىپپەن وتكىزۋدى سۇراعان ەدى.
سوت زالىندا اۋەجاي قىزمەتكەرى مەن ايىپتالۋشى ءسوز سويلەپ، ايىپتالۋشى كونتۋزيا العانىن، سونداي-اق ادامدى كەپىلگە الۋعا نە يتەرمەلەگەنىن ايتىپ بەرگەن. پروسەسس بارىسىندا ايىپتالۋشى بۇعان دەيىن ايىپتاۋلارمەن كەلىسكەن بولاتىن. ءبىراق كەنەتتەن قانداي دا ءبىر تالاپ قويعانى تۋرالى ايىپقا كەلىسپەيتىنىن ايتىپ، ءىس قوسىمشا تەرگەۋگە قايتارىلعان ەدى.