قىلمىستىق كودەكستىڭ 258-بابى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر.
ۇلتتىق قاۋىپسىزدىك كوميتەتىنىڭ قىزمكەتكەرلەرى الماتى قالاسىنىڭ اۋەجايىندا شەتەلدىك تەرروريستىك ورتالىقتارعا قوسىلۋدى جوسپارلاعان قازاقستان ازاماتىن ەلىمىزدەن ۇشىپ كەتپەكشى بولعان جەرىنەن ۇستادى، دەپ حابارلايدى Almaty-akshamy.kz
ۆەدومستۆونىڭ حابارلاۋىنشا، ول بۇرىن ۇرلىق، زورلاۋ جانە كىسى ولتىرگەنى ءۇشىن سوتتالعان.
"بوستاندىققا شىققاننان كەيىن راديكالدى يدەولوگيانىڭ ىقپالىنا ءتۇسىپ، تەرروريستىك توپتاردىڭ قۇرامىنا قوسىلۋ ءۇشىن سيرياداعى سوعىس ايماعىنا بارۋ تۋرالى شەشىم قابىلداعان. سونداي-اق ول تەرروريستىك ارەكەتتەردى قارجىلاندىردى دەپ كۇدىككە ءىلىندى"، دەلىنگەن ۇلتتىق قاۋىپسىزدىك كوميتەتىنىڭ باسپا ءسوز قىزمەتى تاراتقان اقپاراتتا.