كولىك پوليسەيلەرى الماتى اۋەجايىندا حابار-وشارسىز كەتكەن ايەلدى انىقتادى، – دەپ حابارلايدى aqshamnews.kz.
10 اقپاندا الماتى قالاسى اۋەجايىنداعى جەلىلىك پوليسيا ءبولىمىنىڭ قىزمەتكەرلەرى حابار-وشارسىز كەتكەن ليۋدميلا رۋباندى تاپتى. اۋەجايدى پاترۋلدەۋ بارىسىندا ءتارتىپ ساقشىلارى تۇركسىب اۋداندىق پوليسيا باسقارماسىنان كەلىپ تۇسكەن باعدارعا سايكەس كەلەتىن ايەلدى بايقاپ، ونىڭ جەكە باسىن تەكسەردى. ناتيجەسىندە ونىڭ ءبىر كۇن بۇرىن ۇيىنەن شىعىپ، قايتا ورالماعان 67 جاستاعى ازاماتشا ەكەنى راستالدى.
جەكە باسىن انىقتاعاننان كەيىن ليۋدميلا رۋبان وقيعانىڭ ءمان-جايىن ودان ءارى تەكسەرۋ جانە قاجەتتى كومەك كورسەتۋ ءۇشىن ىزدەستىرۋ باستاماشىسىنا بەرىلدى. كولىك پوليسەيلەرى قوعامدىق ءتارتىپتى ساقتاۋ مەن ازاماتتاردىڭ قاۋىپسىزدىگىن قامتاماسىز ەتۋ ماقساتىندا تاۋلىك بويى كەزەكشىلىكتى جالعاستىرۋدا.
پوليسيا قىزمەتكەرلەرىنىڭ قىراعىلىعى مەن كاسىبيلىگىنىڭ ارقاسىندا تاعى ءبىر حابار-وشارسىز جوعالعان ادام تابىلدى. جاقىندارىمەن قاۋىشتى. پوليسيا ازاماتتاردى جاقىندارى جوعالعان جاعدايدا ۋاقىتىلى حابار بەرۋگە شاقىرادى.