ق ر كولىك مينيسترلىگى مەن «الماتى حالىقارالىق اۋەجايى» اق ينۆەستيسيا ماسەلەلەرىن ناقتىلاۋ، ىسكە اسىرۋ كەزەڭدەرىمەن جانە اۋە ايلاعىن ودان ءارى دامىتۋعا باعىتتالعان نەگىزگى ءىس-شارالار قاراستىرىلعان ىنتىماقتاستىق تۋرالى مەموراندۋمعا قول قويدى.
بۇل قۇجات اياسىندا ءبىرىنشى كەزەكتە اۋە ايلاعى قىزمەتكەرلەرىنىڭ ەڭبەك جاعدايىن ەداۋىر جاقسارتۋعا ەرەكشە نازار اۋدارىلادى، دەپ حابارلايدى aqshamnews.kz.
ينۆەستور ءبىرقاتار كورپوراتيۆتىك باستامالاردى جۇزەگە اسىرادى:
• 2025 جىلى اۋەجاي قىزمەتكەرلەرىنىڭ جالاقىسى ورتا ەسەپپەن 25%-عا وسەدى؛
• اۋەجاي اۋماعىندا اۋەجاي قىزمەتكەرلەرى مەن ىرگەلەس اۋدانداردىڭ تۇرعىندارى ءۇشىن جاڭا مەديسينالىق ورتالىق اشىلادى؛
• ينۆەستور بيىل اۋەجايدا كەمىندە 600 قوسىمشا جۇمىس ورنىن قۇرۋدى قامتاماسىز ەتەدى؛
• اۋەجاي اۋماعىندا ACI ورتالىعىمەن (حالىقارالىق اۋەجايلار كەڭەسى) اككرەديتتەلگەن ارنايى وقۋ ورتالىعى ىسكە قوسىلادى؛
• قىزمەتكەرلەر ءۇشىن جەكە اسحانا اشىلادى.
2025 جىلدان 2029 جىلعا دەيىن TAV Holding اۋەجايدى دامىتۋعا قوسىمشا 362 ميلليون دوللار ينۆەستيسيا قۇيادى.
وسى قاراجات ەسەبىنەن ۇشۋ-قونۋ جولاعى قايتا جاڭارتىلىپ، جۇك تاسىمالداۋمەن اينالىساتىن كومپانيالار ءۇشىن جاڭا پەررون سالىنادى، ىشكى رەيستەر تەرمينالى جوندەلەدى، قولدا بار جۇك قويمالارى جاڭعىرتىلىپ، سيفرلاندىرىلادى، سونداي-اق اۋەجاي قوناق ءۇيى سالىنىپ، اۋەجايدىڭ جۇمىسىن جاقسارتۋ ءۇشىن باسقا دا ءىس-شارالار ىسكە اسىرىلادى.
اۋەجاي ينفراقۇرىلىمىنىڭ جاڭا ينۆەستيسيالىق جوسپارىمەن قوسا، نەگىزگى-جوسپاردىڭ بارلىق قوسىمشا مالىمەتتەرىن الماتى حالىقارالىق اۋەجايىنىڭ الداعى باسپا ءسوز كونفەرەنسياسىندا (2025 جىلدىڭ جازى) تولىعىراق مالىمدەيدى.
ەستەرىڭىزگە سالا كەتەيىك، الماتى قالاسى اۋەجايىنىڭ جالپى اۋدانى 53 500 شارشى مەتر بولاتىن جاڭا تەرمينالى وتكەن 2024 جىلدىڭ ماۋسىم ايىندا پايدالانۋعا بەرىلدى