الماتى اۋەجايى پاندەميا كەزىندە تابىسىنىڭ ۇشتەن ەكىسىنەن ايىرىلعان

الماتى حالىقارالىق اۋەجايى - قازاقستاننىڭ نەگىزگى اۋە قاقپاسى سانالادى

الماتىدا اۋەجايدىڭ تەرمينالى كەڭەيدى. بۇل تۋرالى ونلاين بريفينگ بارىسىندا «الماتى حالىقارالىق اۋەجايى» اق اعا ۆيسە-پرەزيدەنتى زيتسەرس سيمونس ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

ونىڭ ايتۋىنشا، بۇگىندە الماتى پوستپاندەميا كەزەڭىندە. تىرشىلىكتىڭ بارلىق سالاسى، سونىڭ ىشىندە اۆياسيا سالاسى بەلسەندى تۇردە قالپىنا كەلىپ جاتىر، رەيستەر قايتا جاندانىپ، جاڭا باعىتتار اشىلۋدا. 

«ءبىز بولاشاقتا اۋە كولىگىنە سۇرانىستىڭ ارتا تۇسەتىنىن كورىپ وتىرمىز. الماتى حالىقارالىق اۋەجايى - قازاقستاننىڭ نەگىزگى اۋە قاقپاسى سانالادى. قازىرگى كەزەڭدە ءبىز ءوسىپ كەلە جاتقان جولاۋشىلار اعىنىن جەڭۋگە كومەكتەسەتىن جاڭا تەرمينال سالۋ قاجەتتىگىن كورىپ وتىرمىز»، - دەپ اتاپ ءوتتى سپيكەر. 

زيتسەرس سيمونس اۆياسيا ۇزاقمەرزىمدى جوسپارلاۋدى قاجەت ەتەدى دەپ سانايدى. 

«ءبىز قازىرگى تەرمينالدى مۇمكىندىگىنشە جاقسارتۋعا تىرىسامىز. وسىدان ءبىر اي بۇرىن ىشكى تەرمينالدىڭ التىنشى وتىرعىزۋ سەكتورىندا جوندەۋ جۇمىستارى اياقتالدى، ونىڭ اۋدانى بۇرىن 177 شارشى مەتر بولسا، ءقازىر - 850. ەكى شىعابەرىستىڭ ورنىنا ءقازىر تورتەۋى بار. زالدار كەڭەيدى»، - دەپ تۇيىندەدى زيتسەرس سيمونس.