اتالعان فاكت بويىنشا سوتقا دەيىنگى تەرگەۋ باستالدى.
الماتىدا جارىلعىش زات تۋرالى جاسىرىن قوڭىراۋ شالعان رەسەي فەدەراسياسىنىڭ ازاماتى ۇستالدى، دەپ حابارلايدى اlmaty-akshamy.kz.
مامىردىڭ ءبىرىنشى كۇنى الماتى پوليسيا دەپارتامەنتىنىڭ قىزمەتكەرلەرى ماسكەۋلىك ارىپتەستەرىنەن «الماتى ارەنا» مۇز سارايىندا جارىلعىش زات تۋرالى حابارلاعان بەلگىسىز ەر ادامنىڭ قوڭىراۋى جازىلعانى تۋرالى اقپارات العان.
«العاشقى شارالار اياسىندا قالانىڭ توتەنشە جاعدايلار قىزمەتى جارىلعىش جانە كينولوگيالىق بولىمشەلەردى تارتا وتىرىپ، عيمارات پەن وعان ىرگەلەس اۋماققا تەكسەرۋ جۇرگىزدى. تەكسەرۋ ناتيجەسىندە جارىلعىش قۇرىلعىلار تابىلمادى»، - دەلىنگەن ق ر تەرروريزمگە قارسى ورتالىعىنىڭ باسپا ءسوز قىزمەتى تاراتقان حابارلامادا.
جۇرگىزىلگەن جەدەل ىزدەستىرۋ ءىس-شارالارى بارىسىندا رەسەي فەدەراسياسىنىڭ ازاماتى انىقتالىپ، ۇستالدى.
سونىمەن بىرگە، ونىڭ بۇعان دەيىن رەسەيدەگى وقۋ ورىندارىنا دا بىرنەشە رەت وسىنداي قوڭىراۋ شالعانى بەلگىلى بولدى.
اتالعان فاكت بويىنشا قازاقستان رەسپۋبليكاسى قىلمىستىق كودەكسىنىڭ 273-بابىنىڭ 1-بولىگى «تەرروريزم اكتىسى تۋرالى كورىنەۋ جالعان حابارلاۋ» بويىنشا سوتقا دەيىنگى تەرگەۋ باستالدى.