الماتى اكىمى ەربولات دوسايەۆ جەتىسۋ اۋدانى تۇرعىندارىمەن كەزدەسۋدە قالاداعى كاۋاپحانالاردىڭ جۇمىسىنا قاتىستى تۇرعىنداردىڭ شاعىمىنا پىكىر ءبىلدىردى.
شاھار باسشىسى بيىل ناۋرىز ايىندا ءماسليحاتقا الماتى قالاسىنىڭ اتموسفەرالىق اۋاسىن قورعاۋ ەرەجەلەرى ەنگىزىلەتىنىن ايتتى. بۇل ەرەجەلەردە گيدروفيلترلەردى ورناتۋ تالاپتارى مەن باقىلاۋ شارالارى قاراستىرىلعان.
«بىلتىر ءبىز وسىنداي باستاما كوتەردىك، ول قولداۋ تاپتى. زاڭناماعا ەنگىزىلگەن وزگەرىستەر اياسىندا بۇل ەرەجەلەردى ءماسليحاتقا ۇسىنىپ وتىرمىز. ەگەر ولار قابىلدانسا، بىزدە ناقتى جۇمىستى باستاۋعا قاجەتتى قۇرالدار پايدا بولادى. بۇعان دەيىن ايتقانىمداي، زاڭدى نەگىزسىز كاسىپكەرلەردىڭ قىزمەتىنە ارالاسۋعا قۇقىعىمىز جوق. ال ەرەجەلەر بەكىتىلسە، ءبىز وعان سايكەس جۇمىس ىستەي الامىز»، – دەدى ەربولات دوسايەۆ.
ءوز كەزەگىندە اۋدان تۇرعىنى كاۋاپحانالارداعى گيدروفيلترلەردى گازعا اۋىستىرۋدى ۇسىندى.
«بۇل جۇمىستىڭ ەكىنشى كەزەڭى. قازىرگى باستى ماسەلە – كاۋاپحانالاردىڭ قىزمەتىن رەتتەۋگە بايلانىستى وزگەرىستەر ەنگىزۋ. گازعا كوشۋ ماسەلەسىن كەيىنىرەك تالقىلايمىز. بۇل ماسەلەگە اۋدان اكىمدەرىن قوسامىن، ولار اتالعان مەكەمەلەردەگى فيلترلەردىڭ جۇمىسىن باقىلاپ وتىرادى»، – دەپ ءسوزىن تۇيىندەدى قالا اكىمى.