الماتى اكىمى تولە بي كوشەسىن ۇزارتۋ جۇمىستارىنىڭ بارىسى تۋرالى ايتتى

بۇل تۋرالى الماتى اكىمى ەربولات دوسايەۆ اۋەزوۆ اۋدانىنىڭ تۇرعىندارىمەن كەزدەسۋدە ايتتى

سۇراق:

ءبىز «اقساي-3ب» شاعىن اۋدانىنىڭ تۇرعىندارى تولە بي كوشەسىنىڭ جاي-كۇيىنە الاڭدايمىز. كەي جەردە ارىقتار توپىراقپەن كومىلگەن، اۋلالارعا كىرەبەرىس جەردىڭ جاعدايى ءماز ەمەس، بۇل جۇمىستار قاشان بىتەدى؟ 

اكىمنىڭ جاۋابى:

قازىرگى تاڭدا تولە بي كوشەسىن ياسساۋي كوشەسىنەن ءاشىموۆ كوشەسىنە دەيىن ۇزارتۋ جۇمىستارى جالعاسىپ جاتىر، بيۋدجەتتە قاراجات كوزدەلگەن. ءبىراق باستى ماسەلە جەر تەلىمىن ساتىپ الۋ بولدى. 160 ۋچاسكەنىڭ 140-ى ساتىپ الىندى، 1ء-ى ساتىپ الىنىپ جاتىر، 7ء-ى سوت پروسەدۋراسىندا، 12ء-سى قارالىپ جاتىر. جىل سوڭىنا دەيىن ۋچاسكەلەردى ساتىپ الۋدى اياقتاۋدى جوسپارلاپ وتىرمىز. ءقازىر قالالىق موبيلدىلىك باسقارماسىنىڭ باسشىسى مەن اۋدان اكىمىنە اۋلالارعا كىرەبەرىستى رەتكە كەلتىرۋدى تاپسىرامىن. جالپى، جوبا اياسىندا تروتۋارلار مەن ارىقتار جابدىقتالادى.

انىقتاما ءۇشىن: 

ۇزارتىلاتىن جەردىڭ جالپى ۇزىندىعى-2،2 كم. بۇگىندە جەر توسەمىنىڭ نەگىزىن سالۋ، ينجەنەرلىك كوممۋنيكاسيالاردى قايتا قۇرۋ بويىنشا جۇمىستار جۇرگىزىلىپ جاتىر. قۇرىلىس-مونتاجداۋ جۇمىستارىن كەلەسى جىلدىڭ سوڭىندا اياقتاۋ جوسپارلانىپ وتىر.