4 ماۋسىم قازاقستان رەسپۋبليكاسىندا مەملەكەتتىك رامىزدەر كۇنى رەتىندە مەرەكەلەنەدى.
وسىعان وراي، بۇگىن قالا تۇرعىندارىن الماتى قالاسىنىڭ اكىمى باقىتجان ساعىنتايەۆ مەرەكەمەن قۇتتىقتادى، دەپ حابارلايدى Almaty-akshamy.kz.
باقىتجان ساعىنتايەۆ «الماتىلىقتاردى مەملەكەتتىك رامىزدەر كۇنىمەن قۇتتىقتايمىن! كوك بايراعىمىز جەلبىرەپ، ەلتاڭبا اسىل مۇرامىزدى ەسكە سالىپ، ءانۇرانىمىز اسقاقتاي بەرسىن! مەرەكە قۇتتى بولسىن!»، -دەگەن جازبا جاريالادى ءوزىنىڭ Twitter-دەگى پاراقشاسىندا.
«قازاقستان رەسپۋبليكاسىنىڭ مەملەكەتتىك رامىزدەرى تۋرالى» كونستيتۋسيالىق زاڭ 2007 جىلى 4 ماۋسىمدا قابىلداندى. وسى زاڭعا سايكەس جىل سايىن 4 ماۋسىم قازاقستان رەسپۋبليكاسىندا مەملەكەتتىك رامىزدەر كۇنى رەتىندە مەرەكەلەنەدى.