ەربولات دوسايەۆ الماتىلىقتاردى پاسحا مەرەكەسىمەن قۇتتىقتادى، دەپ حابارلايدى aqshamnews.kz
قالا باسشىسى الماتىلىقتاردى حريستوستىڭ قايتا ءتىرىلۋى – پاسحا مەرەكەسىمەن قۇتتىقتاپ، بەيبىت اسپان، مول باقىت، زور دەنساۋلىق جانە اماندىق تىلەدى.
«بۇل كوكتەمگى مەرەكە – مەيىرىمدىلىك، ءۇمىت پەن رۋحاني جاڭعىرۋدىڭ سيمۆولى. ول ءاردايىم قۇرمەت، بەيبىتشىلىك پەن ءوزارا تۇسىنىستىك اتموسفەراسىندا اتالىپ وتەدى. پاسحا جۇرەگىمىزدى سەنىممەن تولتىرىپ، يگى ىستەرگە شابىتتاندىرادى، ادىلەتكە، مەيىرىمدىلىككە جانە ءوزارا قولداۋعا ۇمتىلىسىمىزدى نىعايتادى. بۇل – ۇرپاقتان-ۇرپاققا جەتكەن داستۇرلەردىڭ كۇشى مەن جاقىن جانداردىڭ جىلۋى مەن قولداۋىنىڭ ماڭىزدىلىعىن ەرەكشە سەزىنەتىن كەزەڭ.
الماتى – ءتۇرلى ۇلتتار مەن ءدىن وكىلدەرى ءۇشىن ورتاق ءۇيىمىز. پاسحا سەكىلدى يگى مەرەكەلەر بىرلىكتە بولۋعا، بىر-بىرىمىزگە قۇرمەتپەن قاراپ، قولداۋ كورسەتۋگە بولاتىنىن ەسكە سالادى.
ءدال وسىنداي قۇندىلىقتار سۇيىكتى قالامىزدىڭ بەيبىتشىلىگى، كەلىسىمى مەن تۇراقتى دامۋىنىڭ نەگىزىن قالايدى.
وسى جارقىن كۇنى سىزگە جانە جاقىندارىڭىزعا زور دەنساۋلىق، جان تىنىشتىعى، جىلۋلىق پەن باق-بەرەكە تىلەيمىن. ءۇيىڭىز ماحاببات پەن قامقورلىققا، ۇيلەسىم مەن جايلىلىققا تولى بولسىن»، – دەدى الماتى اكىمى ەربولات دوسايەۆ.