الماتى اكىمى دارحان ساتىبالدى رايىمبەك باتىر داڭعىلىنان گوگول كوشەسىنە دەيىنگى پۋشكين كوشەسىنىڭ بويىنداعى كولىك جولى ماڭىنداعى اۋماقتى قايتا جاڭارتۋ جۇمىستارىمەن تانىستى، دەپ حابارلايدى aqshamnews.kz
جوبا قالانىڭ ورتالىق بولىگىن كەشەندى كورىكتەندىرۋ باعدارلاماسى اياسىندا جۇزەگە اسىپ جاتىر جانە جايلى ءارى ءقاۋىپسىز قالالىق ورتا قالىپتاستىرۋعا باعىتتالعان.
قالالىق قوعامدىق كەڭىستىكتەردى دامىتۋ باسقارماسىنىڭ مالىمەتىنشە، قايتا جاڭعىرتۋ 6،5 گەكتار اۋماقتى قامتيدى جانە جۇرگىنشى مەن كولىك ينفراقۇرىلىمىن كەشەندى جاڭارتۋدى كوزدەيدى. 1،1 شاقىرىم اۋماقتا كوگالداندىرۋ، جارىق تىرەكتەرىن ورناتۋ، سۋ بۇرۋ جۇيەلەرىن سالۋ جۇمىسى جۇرگىزىلۋدە. سونىمەن قاتار، ىرگەلەس ۇيلەردىڭ قاسبەتتەرى جوندەلىپ، رايىمبەك باتىر ەسكەرتكىشى قالپىنا كەلتىرىلىپ جاتىر. كەلەسى جىلى وسى اۋماقتا سۋ ايدىنىن قالىپتاستىرۋ جانە قوسىمشا كوگالداندىرۋ جوسپارلانعان. ەرەكشە نازار جۇرگىنشىلەرگە ىڭعايلى تروتۋارلار، ءقاۋىپسىز جۇرگىنشى ايماقتارى جانە زاماناۋي كوركەيتۋ ەلەمەنتتەرىن جاساۋعا بولىنۋدە.
دارحان ساتىبالدى جۇمىستىڭ ساپالى ورىندالۋىنىڭ ماڭىزىن اتاپ ءوتىپ، جوبانىڭ جايلى قالالىق ورتانىڭ ءبىرىڭعاي تۇجىرىمداماسىنا ساي بولۋى قاجەتتىگىن ايتتى. جوبانى جۇزەگە اسىرۋ جۇرگىنشىلەر ءۇشىن قولايلى جاعداي جاساپ، قالانىڭ سىرتقى كەلبەتىن جاقسارتۋعا، سونداي-اق تۇرعىندار مەن قالا قوناقتارى ءۇشىن تارتىمدى، ۇيلەسىمدى كەڭىستىك قالىپتاستىرۋعا مۇمكىندىك بەرەدى.