المالى اۋدانى تۇرعىندارىمەن كەزدەسكەن قالا اكىمى ە.دوسايەۆقا اۋدانداعى مۋرالدارعا قاتىستى ساۋال جولداندى، دەپ حابارلايدى Almaty-akshamy.kz.
- مۋرال توڭىرەگىندەگى داۋعا بايلانىستى قالانىڭ كەلبەتى جەكە كومپانيالاردىڭ شەشىمدەرىنەن زارداپ شەكپەۋى ءۇشىن تاۋەلسىز كوركەمدىك ساراپتاما جاساۋعا بولا ما؟ - دەپ ساۋال جولدادى.
- مۋرالدارعا قاتىستى ماسەلە، ەگەر ولارعا رەسمي مارتەبە بەرىلمەسە، شەشىلمەيدى. قازىرگى ۋاقىتتا الماتىنىڭ ديزاين-كودىن ازىرلەۋ اياقتالۋدا، وندا مۋرالدار ءبولىنىپ، جارنامانى ورنالاستىرۋعا جانە وزگەرىستەرگە بايلانىستى ماسەلەلەر قالا قۇرىلىسى جانە ۋربانيستيكا باسقارماسىمەن كەلىسىلۋى ءتيىس. وكىنىشكە وراي، Coca-cola جارناماسىنا قاتىستى ماسەلە جپب سالدارىنان ورىن العان، وكىلدەر ءوزارا شارتقا قول قويىپ، قوسىمشا 1،5-2 ملن تەڭگە الادى، ال كومپانيا ءۇيدىڭ قابىرعاسىنا جارناما ورنالاستىرىپ، ونى "ول بىزدىكى" دەپ حابارلاعان. راسىندا دا بۇگىندە مۋرالدارمەن نە ىستەۋگە بولاتىنى تۋرالى ناقتى ەرەجەلەر جوق. قالادا ءارتۇرلى مۋرالدار بار: قورعالۋى كەرەك كوركەم شىعارمالار، ءبىراق ءبىر ۋاقىتتا ءارتۇرلى سەبەپتەرمەن پايدا بولعاندار بار. ولار قالانى بەزەندىرمەيدى. ءبىز اۋداندار بويىنشا مۋرالداردىڭ ءتىزىمىن جاسايمىز جانە انىقتايمىز. مۋرالداردى زاڭداستىرۋ قاجەت. ءبىزدىڭ قالاداعى عيماراتتاردىڭ بوس سۇر قابىرعالارى ومىرگە تولى بولۋى ءۇشىن ءبىز سۋرەتشىلەرمەن جۇمىس جاسايمىز. مەن بۇعان كومەكتەسۋگە دايىنمىن، - دەپ جاۋاپ بەردى شاھار باسشىسى ەربولات دوسايەۆ.