الماتى اكىمى مەملەكەتتىك ءانۇراندى قالا تۇرعىندارىمەن بىرگە ورىندادى

الماتىدا پاتريوتتىق اكسيالار مەن سالتاناتتى ءىس-شارالار ءوتتى

4 ماۋسىم – مەملەكەتتىك رامىزدەر كۇنى «اباي» الاڭىندا رەسپۋبليكا سارايىنىڭ الدىندا مەملەكەتتىك گيمندى ءبىر مەزگىلدە ورىنداۋ بويىنشا اكسيا ءوتتى.

         الماتى اكىمى ەربولات دوسايەۆ قالا تۇرعىندارىمەن بىرگە مەملەكەتتىك ءانۇراندى ورىندادى. پاتريوتتىق اكسياعا 500-دەن استام ادام قاتىستى، ونىڭ ىشىندە ءماسليحات دەپۋتاتتارى، قوعام قايراتكەرلەرى مەن جاستار. بۇل كۇنى ءانۇران قالا بويىنشا ورىندالدى: ساياباقتاردا، سكۆەرلەردە، مەكتەپتەردە، سوو جانە ت.ب.

          بۇل كۇنى قالا تۇرعىندارى كوپ پاتەرلى تۇرعىن ۇيلەردىڭ، اكىمشىلىك عيماراتتاردىڭ، مادەنيەت جانە سپورت نىساندارىنىڭ بالكوندارىنا مەملەكەتتىك تۋلار ءىلىندى.

          قالا بويىنشا پاتريوتتىق اكسيالار مەن سالتاناتتى ءىس-شارالار ءوتتى. مەملەكەتتىك رامىزدەر كۇنىنىڭ نەگىزگى يدەياسى پاتريوتيزم مەن ۇلت بىرلىگىن نىعايتۋ، تاۋەلسىز قازاقستاننىڭ قۇندىلىقتارى مەن جەتىستىكتەرىن ناسيحاتتاۋ بولىپ تابىلادى.

          قازاقستاننىڭ مەملەكەتتىك رامىزدەرى 30 جىل بۇرىن – 1992 جىلعى 4 ماۋسىمدا بەكىتىلدى.