الماتى اكىمى مەگاپوليستى جارىقتاندىرۋ جۇمىستارىنىڭ قارقىنىمەن تانىستى

الماتى اكىمى دەكوراتيۆتى-ساۋلەتتىك، تورشەرلى جانە ماچتالىق جارىقتاندىرۋ جوبالارىمەن تانىستى.

جۇمىس ساپارى بارىسىندا دارحان ساتىبالدى مەدەۋ اۋدانىنداعى كوپقاباتتى تۇرعىن ۇيلەردە جارىق ورناتۋ جۇمىستارىن باعالادى. مۇنداي جوبالار قالانىڭ ەستەتيكالىق كەلبەتىن جاقسارتۋعا كومەكتەسەدى، وسى ماقساتتا ۇيلەردىڭ قاسبەتى دە بويالعان.

رەسپۋبليكا سارايى الدىنداعى سكۆەردە 65 تورشەرلى شام 100 ۆت قۋاتتى جىلى جارىق بەرەتىن جارىقديودتى شامدارعا اۋىستىرىلدى. جاڭا LED-شامدار جوعارى جارىقتىعىمەن، ەنەرگيانى از تۇتىنۋىمەن جانە ۇزاق قىزمەت ەتۋ مەرزىمىمەن ەرەكشەلەنەدى.

اباي داڭعىلى مەن بايزاقوۆ كوشەسىنىڭ جولايىرىعىندا قۋاتى 500 ۆت بولاتىن 40 زاماناۋي LED-شام ورناتىلدى. ولار بۇرىنعىلارعا قاراعاندا جارىعىراق ءارى ۇنەمدىرەك: جارىقتاندىرۋ دەڭگەيى التى ەسەدەن استام ارتتى، ال ەنەرگيا تۇتىنۋ 37%-عا تومەندەدى.

الماتى اكىمى ساپالى جارىقتاندىرۋدىڭ ءقاۋىپسىز ءارى جايلى ورتا قالىپتاستىرۋداعى، سونداي-اق قالانىڭ ەستەتيكالىق كەلبەتىن جاقسارتۋدا ماڭىزى زور ەكەنىن اتادى. سونداي-اق، جارىقتاندىرۋدىڭ كەشەندى جۇمىستارىن قامتيتىن جوسپاردى ۇستانۋدىڭ قاجەتتىلىگىنە ەرەكشە توقتالدى.